فيدرا تطالب جمهورها بالاستمرار في دعم أهالي غزة: الكلمة تأثيرها قوي

طالبت الفنانة فيدرا جمهورها بالاستمرار في دعم أهالي غزة والشعب الفلسطيني، جراء ما يتعرضون له من قصف ودمار على يد جيش الاحتلال.

تحيا مصر يرصد رسالة فيدرا لجمهورها بشأن أهالي غزة. 

رسالة فيدرا لجمهورها بشأن أهالي غزة

ونشرت فيدرا فيديو عبر حسابها الرسمي بموقع تبادل الصور والفيديوهات القصيرة انستجرام، وعلقت قائلة: الوضع في غزة كارثي، إحنا تعبنا من كم العذاب اللي بنشوفه، والقهر وقلة العدل والظلم، والقتل والذبح، لكن لازم نفضل نتكلم ونوعي الناس، العالم بيتغير وعشان يتغير بياخد وقت، إحنا بنعمل اللي علينا ولازم نوصل صوت الفلسطينيين، الله أعلم أخرتها إيه.

فيدرا تتضامن مع أهالي غزة

وتابعت فيدرا: إحنا بنعمل اللي علينا، بنلم هدوم عشان الشتا ولازم تكون جاهزة لأهله غزة، وإن شاء الله هتدخل لأهالي غزة، إحنا بنعمل اللي علينا، بنتبرع وبنعمل لايك وشير لكل الصفحات اللي بتدعم غزة، دا دور كل اللي بره غزة، ومتزهقوش لأن في أطفال وأجنة بيموتوا في بطن أمهاتهم، مينفعش نزهق.

وأضافت فيدرا: آه ناخد هدنة ونفصل، لكن مينفعش نستستلم، الكلمة تأثيرها قوي في العالم ولازم هتاخد وقتها، ربنا معانا وربنا كبير، لازم نعمل اللي علينا، في ناس بتحارب وبتجاهد بنسفها، لكن إحنا بنحارب باللي بنقدر عليه.

تصريحات فيدرا 

و كانت أشادت فيدرا عبر حسابها الرسمي بموقع التواصل الاجتماعي “فيسبوك” بالفنان محمد سلام قائلة: "هو كسب كل حاجه علشان عمل بعقيدته...ما خافش من حد، خاف من نفسه اللي هتلومه لو ما عملش وطبعا خاف من ربه..سلام مافيش منه كتير. ده واقع.و طبعا كل انسان حر و كل انسان عارف نفسه وعارف مقدرته ولا يكلف الا وسعها، وسعها على الصعيد المادي و النفسي.ده وسع سلام وده وسع باسم وده وسع صلاح".

اقرأ أيضًا..

 فيدرا عن مصلى السيدات: صغير ومكتوم.. وليه الستات بتتعامل معاملة المواطن الدرجة التانية

فيدرا ترصد معاناة كلبة: بوقها اتشل بسبب ناس معندهاش رحمة.. وهي هتسافر برا مصر تتعالج

على الصعيد الآخر، نشرت فيدرا مقطع فيديو لها، قالت فيه: انا عندي سؤال.. انا طبعا عارفة ان في المسجد الستات بتصلي بعيد عن الرجالة وبنبقى منفصلين بس هو السؤال اللي مش لقياله اي رد هو ليه دايما المصلى بتاعت الستات بيبقى صغير ومكتوم.

وتابعت: ومتقفل بحواجز ومدخله جانبي زي ما يكون باب المطبخ.. احنا ليه بنتعامل كدا، احنا ليه كستات رايحة تصلي في الجامع بنتعامل معاملة المواطن الدرجة التانية، ليه المصلى بتاعنا ميكونش يشرح ويكون مدخله حلو وجميل زي مدخل مصلى الرجالة، ليه دا مش متحقق للست.