محمد رمضان عن أغنيته الجديدة بعد عجزه عن تأجيل طرحها: مش مهم تسمعوها

أعلن الفنان محمد رمضان عن ضرورة طرح أغنيته الجديدة  اليوم، بعد أن رفضت الشركة في نيجيريا تأجيل طرحها، حرصًا منه على مراعاة الأوضاع في غزة.

تحيا مصر يرصد تفاصيل طرح أغنية محمد رمضان الجديدة.

سبب طرح محمد رمضان لأغنيته الجديدة 

وكتب محمد رمضان عبر حسابه الشخصي بموقع التواصل الاجتماعي فيس بوك: أغنية النهاردة عيد ميلادي، مع المغني سكيلز، طلبت تأجيلها والشركة في نيجيريا لم تستجب، ولازم أنزلها النهاردة الساعة 5 على قناتي، لأن ده التزام في العقد بس مش مهم تسمعوها لأنها مش وقتها بالنسبة لينا.

تصريحات محمد رمضان مع معتز الدمرداش

من ناحية أخرى، قال محمد رمضان في تصريحات مع معتز الدمرداش: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

اقرأ أيضًا..

محمد رمضان عن أشقائه: عايش مع اتنين فلاسفة 

 تزامنا مع الأحداث الجارية.. محمد رمضان يستعرض صوره أثناء الخدمة العسكرية 

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

رحلة محمد رمضان الفنية

وقال محمد رمضان: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

محمد رمضان يتحدث عن أشقائه

وتابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.