زوجة أمير طعيمة تتهم أكرم حسني بخراب بيتها: متسممش أفكار جوزي

أثارت جينى طعيمة زوجة الشاعر أمير طعيمة جدل واسع عبر حسابها الرسمي بموقع التواصل الاجتماعي فيسبوك بسبب تصريحاتها عن محاولة الفنان أكرم تخريب بيتها. 

تحيا مصر يرصد تصريحات زوجة أمير طعيمة.

تصريحات زوجة أمير طعيمة

وكتبت جيني طعيمة: سبب رئيسي في خراب بيتي التفكير ده وصاحب الفكرة دي والقعدات اللذيذة اللي أنا رفضتها وهرفضها وبرفضها.

وتابعت: أنا بيتي قائم من 16 سنة محدش لا زعزعه ولا قرب منه ودي نتيجة إنك تدخل ناس بيتك معاهم ناس بتسمم أفكارهم.

زوجة أمير طعيمة تحذر أكرم حسني 

وأضافت: استقرار بيتي فوق أي اعتبارات يا أكرم ولو أنت هديت بيتك لأسباب القريبين عارفينها ما تسممش أفكار زوجي زيك ولو إنها خلاص انتهت .. يا رب تكون مرتاح أنت وهي Amir Teima حسبي الله ونعم الوكيل فيك أنت وهي #أكرم_حسني_أمير طعيمة_#فلوس_الرياض_عجبتکوا_؟؟؟؟؟.

إصابة جيني طعيمة بورم

على الصعيد الآخر، كانت أعلنت جيني طعيمة إصابتها بورم، حيث كتبت عبر صفحتها على موقع التواصل الاجتماعي «فيس بوك»، شرحت خلاله معاناتها مع المرض، وقالت: «من حوالي سنة ويمكن أكتر وأنا تعبانة وبأجل مشوار الطبيب، وبقول بطلي دلع وباخد مسكنات والدنيا ماشية، من تقريبا كده 4 شهور وتدهور رهيب ومتماسكة وبقول أفضى بس كده وأشوف إيه الحكاية، أمير كان عنده عرض المسرحية في الرياض والمفروض أنا ما بفوتش الحاجات دي إطلاقا وخصوصًا لو شغل. 

اقرأ أيضًا..

حقك عليا.. زوجة أمير طعيمة تحسم الجدل حول انفصالهم: كل سنة وانت الحبيب 

 زوجة أمير طعيمة تثير الجدل حول انفصالهما: الحياة مبتوقفش على حد

وأضافت جيني زوجة أمير طعيمة: «المهم جه وقت العرض وأنا تعبت وما قدرتش أسافر وكان صعب عليا بس تعبانة مفيش طاقة مفيش صحة تماما، الجسم كله مأذي لدرجة إني مش فاهمة أنا إيه إللي بيجرى لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح، كشفت والصدمة إيه ده يا مدام؟.. هو حضرتك إزاي عايشة كده؟.. وتفاصيل كتير في الكشف وقالي محتاج جراحة بس محتاج الأشعة والتحاليل دي وحالا أدركت إني فعلا في حتة مش تمام، ومن فحوصات الأشعة الكلام اختلف».

وأكملت: «4 أطباء من جامعة عين شمس والقاهرة وطب الأزهر عشان دقة الجراحة، كل واحد كان بيبعت لزميله الأهم التشخيص ويقولي معلش ناخد رأي شيخنا ومعلمنا الدكتور فلان أفضل لسلامتك، اصبري وتحملي، كان المفترض ده وقت الجراحة اكتشفنا إنه ورم وحجمه كبير، بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث».

واختتمت: «وبكل أمانة ما كانش بيتقال غير دي بنتنا وعايزين نحافظ عليها، الحمد لله النتيجة النهائية إني بخير، بشكر كل إيد من الأيدي الطيبة اللي ساعدتني وصبرت عليا بعرف إن ربنا بيحبني من المواقف دي مش من أي حاجة تانية، وأكتر كلمتين بيطمنوني من الناس البسيطة اللي بتقولي اوعي تخافي ربنا هيجبر بخاطرك عشان إنتي مفيش حد بتزعليه أبدا».