ميار الببلاوي عن مساندتها للشعب الفلسطيني: عملت دوري كإعلامية لكن دوري كمسلمة نفسي اعمل أكتر من كده

تحدثت الفنانة والإعلامية المصرية ميار الببلاوي عن مساندتها للشعب الفلسطيني من خلال مهنتها كمذيعة تقدم برنامج عبر شاشات التليفزيون.

تحيا مصر يرصد تعليق ميار الببلاوي على ما يحدث في فلسطين.

مساندة ميار الببلاوي لشعب فلسطين

وقالت الببلاوي في تصريح خاص لموقع تحيا مصر: عملت اللي اقدر عليه من خلال برنامجي.. بينت اللي بيحصل وقدمت دوري كإعلامية، لكن دوري كمسلمة نفسي اعمل اكتر من كده مليون مرة.

تعليق ميار الببلاوي على استقلال الفتيات

هذا وكانت قالت ميار الببلاوي في تصريح خاص لموقع تحيا مصر عن استقلال الفتيات: مينفعش تروح تتسنكح في الشوارع ولا تعيش لوحدها، البنت زمان لما كانت تقول أنا خارجة مع صاحبتي الأم تقولها لا دا أبوكي يدبحك وأنا عمري ما قولت لماما أنا خارجة مع أصحابي.

وتابعت: هو ليه الراجل له القوامة لأن القوامة مش بس الصرف ولكن الأمان فهي لما تعيش لوحدها مين هيحميها، يعني أنا أكون عايشة في بيت أبويا معززة مكرمه اروح ادور على البهدلة.. والأب اللي يوافق على كده يبقى ديوث والبنت اللي تبقى عايزة كده تبقى ناشز.

اقرأ أيضًا..ميار الببلاوي عن استقلال الفتاة في منزل بعيد عن أهلها: الأب اللي يوافق بكده يبقى ديوث

ميار الببلاوي عن ظاهرة المساكنة: دا هبل ومفيش عقل ولا دين يقر حاجة زي كده

وخرجت ميار الببلاوي عبر حسابها الرسمي بموقع التواصل الاجتماعي فيسبوك وكتبت عن أزمة وفاء مكي معها قائلة: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

ميار الببلاوي تكشف تفاصيل أزمتها مع وفاء مكي

واستكملت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وتابعت : في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.