تامر حسني: احنا في فترة عمرنا معا عدينها بيها قبل كدة ولازم نقرب من ربنا

حرص الفنان تامر حسني على توجيه رسالة لـ جمهور ومتابعيه عبر حسابه الرسمي بموقع تبادل الصور والفيديوهات انستجرام للتحدث عن الأزمة التي يمر بها العام في الفترة الحالية والحزن الذي أصبح يملأ قلوب العديد من المواطنين بسبب أحداث غزة.

تحيا مصر يرصد في ذلك التقرير تصريحات تامر حسني عن القرأن وأهميته 

تامر حسني: لازم نقرب من ربنا عشان ده الحل الوحيد للي بيحصلنا

وكتب تامر حسني عبر حسابه الرسمي بموقع تبادل الصور والفيديوهات انستجرام: احنا في فتره من حياتنا عمرنا ما عدينا بيها قبل كده و الكل تعبان و كتير مننا محتارين و كتير تايهين و مستغربين و مش مصدقين اللي بيحصل و اللي شايفينه قدام عنينا .. و دلوقتي كنت بسمع شيوخ كتير بيتكلموا عن اننا لازم نقرب لربنا عشان ده الحل الوحيد لكل الاديان عشان نخرج من الضلمه اللي عايشينها للنور.

تامر حسني: اننا نقرب من ربنا أحسن حاجة ممكن تحصل

وتابع تامر حسني حديثه: روحت ماسك القرآن فجأه و فتحته و قولت ياترا لما أفتح عيني هتيجي على اي آيه … فتحت و عيني جت على الآيه دي … الحقيقه مفيش اشاره اوضح من كده اللي عايزه يشوفها صدفه او اشاره بتقدير من ربنا .. في النهايه اننا نقرب لربنا اكتر اكيد حاجه احسن و اكيد احسن اننا نفتح القرآن و نقرا فيه و لو صفحه اياً كانت عنينا نزلت على اي آيه ..قراءة القرآن في حد ذاته اصلاً ثواب كبير … سبحان الله و بحمده جمعه مباركه على الجميع.

تامر حسني عن شهداء فلسطين: جريوا على الجنة

لمساندة الفلسطينيين.. تامر حسني يدعو الجمهور للتبرع إلى الهلال الأحمر المصري

تامر حسني يتحدث عن شهداء فلسطين

وكان قد تحدث تامر حسني عن شهداء فلسطين وقال: اللي راحوا دول جريوا على الجنه اللي هي الحياه الاساسيه حياة الخُلد  راحوا دار الحق و مشيوا من دار الباطل يا جماعه الدنيا دي ولا حاجه دي دار باطل فيها الشر و الكره و الحقد و الظلم .. لكن الناس دي راحت لحياه كلها حب و خير و سلام و فرح و لما في الآخره نشوف  كل حد كانت حياته صعبه و مليانه معاناه ازاي ربنا كافئه على صبره و تحمله من كل اللي شافه و كرمه بأجمل نعيم الجنه هنقول  ياريتنا كنا احنا.