بقينا في عصر التريند مش التاريخ الفني.. أبرز تصريحات محمد نجاتي ببرنامج free time

حل الفنان محمد نجاتي ضيف على برنامج free time، والذي تقدمه الاعلاميتين يارا أحمد ونسمهار، وذلك على شاشة قناة "هي"، والذي تحدث خلاله عن عدد من التصريحات الجريئة والخاصة بحياته الشخصية والفنية والتي من المقرر أن يرصدها موقع تحيا مصر في السطور التالية.

محمد نجاتي: قبلت أعمال فنية عشان الأقساط 

وقال محمد نجاتي خلال البرنامج: كل النجوم الكبار قبلوا اعمال فنية ماكنوش راضين عنها بسبب الظروف المادية وانا عملت كده لكن مش ندمان عليهم وفي نجوم بتحصلهم ازمة في منتصف عمرهم وبعدين بيرجعوا اقوي والمهم لما اقدم عمل فني يكون مكتوب حلو ومخرج متمكن من ادواته اقدر من خلال اظهر الدور 

واضاف ان دوره في مسلسل بابا المجال دوره فيه ماكنش بطولة لكن بفضل الله قدر يبين نموذج لظابط الشرطة يحسس المشاهد انه بطل من ابطال العمل.

محمد نجاتي: تريند منه عرفة خلاني اطلع في برامج كتير ومستحيل بناتي يعملوا تيك توك

وتطرق نجاتي بحديثه عن الفنانة منة عرفة، حيث قال: تريند " منه عرفه " خلاني اعمل اطلع في برامج كتير واستغربت لان بيكون في اعمال فنية كتير عملتها ماخدتش نفس الصدي، وربنا يوفقها وبتمني أشوفها في اعمال. 

وتابع حديثه: احنا في صر التريندات مش الاعمال الفنية والتريند الايجابي هو اللي بيستمر زي مثلا جائزته احسن ممثل عالمي في " فيلم عرق البلح" ماكنش في وقتها سوشيال ميديا تظهر دوري، وبرفض ان بناتي تعمل فيديوهات علي برنامج " التيك توك " بهدف كسب دولارات لانه مكسب مفهوش محتوي ماحبش اعمله ولا بناتي.

محمد أنور يثير الجدل بحذف فيديو بكاءه على أحداث غزة.. تعرف على السبب

بعد تصريحه “ياريت كل واحد ياخد قراره بدون ما يعمل شو".. تامر حبيب: مش قصدي على محمد سلام

محمد نجاتي: البوست والشير مش هحلو القضية الفلسطينية 

وتحدث محمد نجاتي عن دعم القضية الفلسطينية، فقال: البوست والشير والمظاهرات مهم جدا لكن مالوش نتيجة انا سلاحي غير وان حل القضية اولا في ايد ربنا ونتوجه وندعي ومن خلال شغلي اللي هو سلاح من اسلاحتي اقدر اوصل صوتي للعالم، والناس هاجمتني علي السوشيال ميديا لما نزلت بوست وفيه علم بلده مصر عشان كدة بلتزم الصمت كما امرنا في الدين الاسلامي عند ظهور الفتن لكن فلسطين عربية وفي مؤمرة علينا كلنا كعرب ومش احنا اللي هنقرر نعمل ايه لان في ناس بتحكمنا والرئيس السيسي احنا فوضناه وهو اكتر واحد يعرف ايه المفروض يحصل دلوقتي وممكن نكون بنتجرجر لحرب احنا مش مؤهلين ليها.