فريدة سيف النصر عن فقد وزنها: كل ما اشوف أاطفال غزه جعانين أبكي وأشيل الأكل

خرجت الفنانة فريدة سيف النصر لتكشف عن سبب فقدان وزنها والذي أصبح ملحوظ لدى العديد من الجمهور، مشيرة إلى أن ما يحدث في غزة ورؤيتها للأطفال ضحايا الإعتداء الإسرائيلي يبكيها ويدخلها في حالة اكتئاب شديدة.

تحيا مصر يرصد في ذلك التقرير تصريحات فريدة سيف النصر عن القضية الفلسطينية

فريدة سيف النصر: كل ما أشوف أطفال غزه جعانين أبكي

وكتبت فريدة سيف النصر: اللي بيسألوني خسيتي ازاي مش هاتصدقوا هاقول قسما بالله بس من 9 اكتوبر اللي فشلت فيه سنين بيجي لوحده ومستمر..كل ما اشوف كل يوم اطفال غزه جعانين أو مستشهدين والدم اجي احط الاكل في بوءي ابكي والله ومااقدرش اشوف الدم نفس الحاله الطفل اللي مات وفي أيده كرواسان حد اداهاله مالحقش ياكل قطمه ياقلبي..والست اللي بتصرخ وتقول ماتوا جعانين وعطشانين.

وتابعت: واللي بتنده علي رضيعها قوم ياقلبي راح يجي اللبن وترضع..قسما بالله معدتي هي اللي رفضت يادوب لقمتين واقف..دي طبيعتي ازعل كنت اكل كتير..لكن المره دي مختلفه صوت وصوره ومأساه حقيقيه ااب بيجري لولاده ميتين..وام بتصوت فقدتهم كلهم.. وأطفال اتيتموا واللي بينده علي أبوه أو أمه وصور لاطفال بحيواناتهم وطيورهم البنت اللي بتجري وشايله قطتها..والولد اللي مات حاضن كلبه.

فريدة سيف النصر: الله ينتقم منكم من ساعة الأحداث خسيت 14 كيلو

واختتم حديثها: الله ينتقم منك يانتنياهوو ياخنزير ياحقير..ده غير حبيبتي بنت اخويا كانسر مابتاكلش وان اكلت ترجعه...أنا مش عارفه اتصرف ازاي والله..عموما لو فكرتي أن الاكل الزياده ده توزعيه علي ناس نفسها فيه يبقي كتر خيرك والحمد لله علي نعمة الاحساس بس من غير الم معده يارب...من ساعة الأحداث 14كيلو؟ ربنا يستر حقيقي معدتي واجعاني ورافضه...يارب حلها من عندك وارحمهم وإخسف الأرض بصهيونجي سفاح الحياة.

خالد سليم: كل يوم بتدمر ومش عارف أعمل ايه

وكان قد كتب خالد سليم عبر موقع تبادل الصور والفيديوهات انستجرام: أنا سكت كتير اوي .. بس مش قادر .. كل يوم بتدمر اكتر من اللي قبله .. و مش عارف اعمل ايه؟ ولا عارف نعمل ايه ؟؟ غير اننا ندعي ربنا يوقف المجزرة الإنسانية دي .. والله حرام .. مش مصدق اللي بيحصل لأطفالنا و المدنيين من نساء و شيوخ و شباب.. معقول الخونة يستهدفوا مدارس و مستشفيات و بنايات سكنية.. و معقولة القانون الدولي و العرب و الدنيا كلها ولا تاخد موقف؟ هوا في ايه ؟