صبري فواز عن إلغاء الأنشطة الفنية تضامنًا مع فلسطين: كلام مش مظبوط ولو بطلت تعيش حياتك يبقى عدوك انتصر عليك

حرص الفنان صبري فواز التعليق على الأزمة المنتشرة بين نجوم الفن بشأن إلغاء الفعاليات الفنية من جه، وإقامتها من جه أخرى، وذلك في ظل الأزمة الفلسطينية التي يشهدها العالم خلال الفترة الحالية ووقوع العديد من الضحايا وقتل الأطفال من قبل جيش الاحتلال.

تحيا مصر يرصد في ذلك التقرير تصريحات صبري فواز عن إلغاء الأنشطة الفنية 

صبري فواز يرفض إلغاء الأنشطة الفنية

وكتب صبري فواز عبر حسابه الرسمي بموقع التواصل الاجتماعي فيسبوك: اللي يقدر يساعد بحاجة يبقى كتر خيره.. و لو مافيش حاجة تقدمها، شوف شغلك .. لو بس عملت شغلك، يبقى انت عملت اللي عليك.. ومش مطلوب من أي حد انه يعمل كل حاجة .. لكن مطلوب من كل واحد يحط قطعة من البازل، هاتكمل الصورة، لكن نقعد نزايد على بعض .. و نقول إلغي الأنشطة، دا كلام مش مظبوط .. لأنك لو بطلت تعيش حياتك، يبقى عدوك انتصر عليك.

نجوم يرفضون تأجيل الأنشطة الفنية

ولم يكن صبري فواز الأول في رفض تأجيل الأنشطة والفعاليات الفنية، حيث سبق وكتبت إليسا عبر حسابها الرسمي بموقع التدوينات القصيرة “تويتر”: "يعني إذا المهندس بيوقف الورشة والمحامي بيوقف مرافعة وصاحب المطعم بيوقف خدمة والمصرفي بيوقف تداولات ساعتها منوقّف شغلنا كلنا. بعز الحرب كانوا الفنانين مستمرين لأنو هيدا شغلنا وهيدي رزقتنا وما رح نوقّف كرمال كم حدا فاشل وفاضي عم يحكي ! ما بقا حدا يزايد علينا بوطنيتنا ومواقفنا!”.

عمر كمال: شغلي وأكل عيشي ولازم أفرح الناس

بينما كتب عمر كمال عبر حسابه الرسمي بموقع تبادل الصور والفيديوهات انستجرام: مساء الخير على حبايبي وأخواتي، أنا بنزل شغلي عادي وشغال الحمدلله لأن ده شغلي وأكل عيشي، ولازم أفرح الناس ولازم ألتزم  بأي إتفاق قولته للناس وكمان عشان ورايا حوالي 40 فرد بـ 40 أسرة شغالين معايا فاتحين بيوت، ولكن أنا بتأسف لأي حد بيعملي منشن في الإستوري بتاعته الفترة دي مش هقدر أقبله مراعاةً لمشاعر أخواتنا في فلسطين ولكل إنسان حاسس حالة حزن وعلى اللي بيحصل.. ربنا يسعدكم يارب ويارب أكون قدرت أفرحكم في مناسباتكم سواء فرح أو حفلة بس سامحوني الفترة دي.