سعيد جميل يقدم برنامجًا إذاعيًا جديدًا عبر نغم إف إم| تفاصيل

تعاقد المذيع سعيد جميل على تقديم برنامج إذاعي جديد، عبر محطة راديو نغم إف إم، يحمل اسم حظ سعيد، وذلك وفقًا لما أعلنه عبر حسابه الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات سعيد جميل عبر إنستجرام

وكتب سعيد جميل: الحمد لله، انا جيت الراديو يا جماعه، اتشرفت بقناه نغم اف ام، استنوني كل يوم اتنين الساعه اتنين، ولمده ساعتين، برنامج حظ سعيد، بشكر الناس الرائعه اللي وقفت معايا.

إشادة سعيد جميل بفيلم تاج

وسبق وأن أشاد الإعلامي سعيد جميل بفيلم تاج بطولة نجم الجيل، الفنان تامر حسني، الذي تم عرضه مؤخرا في دور العرض السينمائية.

وكتب سعيد جميل عبر حسابه الرسمي بموقع التواصل الاجتماعي فيس بوك،: ألف مبروك يا تيمو.. الفيلم مكسر الدنيا وطول عمرك مختلف، أنا قولت أقف ورا أخويا عاد يعني.

تصريحات دومينيك حوراني مع سعيد جميل

وعلى صعيد أخر، حلت الفنانة دومينيك حوراني ضيفة على برنامج أنا سعيد والذي يقدمه الإعلامي سعيد جميل ويعرض عبر قلة القاهرة والناس، وتحدثت دومينيك عن الرجل المصري وغازلته، كما تحدثت عن البرامج الاجتماعية النسائية، ومن أبرز تصريحاتها:

-الراجل هو عمود البيت واللي شايل كل حاجة، ويعمل كل طلبات الست، وهو يعمل كل حاجة هي نفسها فيها.

-الراجل اتولد عشان يسعد الست اللي معاه وهو يعطي حقوقها وبعدين يأخذ كل للي هو عايزه، وبعدها مش هيشوف أي نكد خالص.

-الرجل لازم يرفع من مستوى حياة الست وبعدين يطلب اللي هو عايزه.

- الراجل المصري عسل وبيقول كلام زي الفل، وهو بيعلي الست وبيرفع شأنها وحبه ليها بيترجمه بمساعدتها، وبيوصلها للي هي عايزاه.

-الراجل النكدي هدلعه وأبوسه وفي ثانية أخليه يفك والراجل أصلا محتاج دلع وحنان وخلاص، الكتالوج بتاعه سهل جدا.

-الراجل اللي بيرتبط بسيدتين في نفس الوقت مش هحترمه، وهيبقى نصاب، مجنون، فيه حاجة مش طبيعية وهيعلن إفلاسه قريبا، ومش هيبات في البيت هي كفاية واحدة.

-البرامج الاجتماعية النسائية في كام واحده معقدين نفسيا طالعين بيحاربوا الستات عشان ياخدوا اللقطة وفيها تحريض وبيبوظوا المجتمعات.