أسما شريف منير: بقالي 15 يوم ملتزمة في الصلاة وحاسة إني مستعدة أموت بدون خوف

أعلنت الإعلامية أسما شريف منير ابنة الفنان شريف منير عن التزامها في الصلاة خلال الفترة الحالية خاصة بعد الأزمة التي تشهدها فلسطين خلال الفترة الحالية، مشيرة إلى ارتياحها الشديد من أخذ هذه الخطوة.

تحيا مصر يرصد في ذلك التقرير تصريحات أسما شريف منير عن الصلاة

أسما شريف منير: بقالي 15 يوم ملتزمة في الصلاة وأتمنى افضل كدة لحد ما أموت

وقالت أسما شريف منير عبر حسابها الرسمي بموقع تبادل الصور والفيديوهات انستجرام من خلال فيديو بث مباشر: بقالي 15 يوم ملتزمة في الصلاة والموضوع مريحني جد خاصة إني مبقتش أخرج كتير وده مخليني متلزمة أكتر وكل مرة ببقى كدة وبعدها الدنيا تلهيني لكن أنا بحاول ونفسي أفضل منتظمة لحد ما أموت.

وتابعت حديثها: بعد الصلاة حسيت إني مستعدة أموت عادي أنا كان نقصني حاجات كتير أوي ومكنتش عارفة هقف قدام ربنا ازاي، دلوقتي مش خايفة أنا حاسة اني عادي إن أموت في أي وقت.

واختتمت حديثها عن الصلاة قائلة: بحس اني هادية وربنا حاميني ومحدش يقدر يأذيني ونفسي أفضل مكملة.

أسما شريف منير: حافظوا على بلدكم وغيروا من نفسكم اللي بيحصل ده ليه سبب

وأضافت في الفيديو: الناس مبقاش عندها دم في كمية كدب وانفاق رهيبة.. انت فاكر أما تشتم كدة انت جامد يعني؟، اللي بيحصل ده يخلينا نراجع نفسنا ياجماعة لازم الواحد ميبقاش مدعي مينفعش تشتم وتقلل من الناس وتعمل حاجات مش مظبوطة في حياتك.

وتابعت: حافظوا على بلدكم واقفوا جنبها بلاش تبهدلوها وترموا حاجات على الارض وتشتموا فيها، احمدوا ربنا انكم عندكم جيش بيحميكم ورئيس وأمن وأمان، مش عارف أقولكم اي بس اللي بيحصل يخوف.

نجوم الفن يدعمون فلسطين

 أخرى، حرص عدد كبير من نجوم الفن الإعلان عن تأجيل حفلاتهم وذلك في اعرابا منهم عن حزنهم بسبب الأحداث التي تصيب فلسطين، حيث قال عفروتو: مع احترامي لكل الناس اللي كانوا محتاجين الحفلة، بس نفسيتي متسمحش إني أغني للناس في حفلة بـ الأحداث دي، والفلوس بتروح وتيجي، بس الأصل والوفاء لأهلك لو راحوا مش هيجوا، آسف لكل حد كان ناوي يحضر حفلتي في كايرو جاز، وآسف لكايرو جاز نفسهم، بس أنا لغيت الحفلة نظرًا لما يحدث من أفعال بشعة في حق الشعب الفلسطيني، عاشت فلسطين حرة.