ملك وليلى زاهر تتطوعان في الهلال الأحمر لمساعدة أهالي فلسطين

حرصت كل من الفنانة ملك وشقيقتها ليلى زاهر على دعم فلسطين من خلال  مشاركتهم  فى فريق المتطوعين بالهلال الأحمر المصري لتجهيز المساعدات الطبية والغذائية لهم.

تحيا مصر يرصد تطوع ليلى وملك زاهر في الهلال الأحمر. 

تطوع ليلى وملك زاهر في الهلال الأحمر

ونشرت ليلى زاهر مقطع فيديو عبر حسابها بموقع تبادل الصور والفيديوهات القصيرة إنستجرام  وعلقت عليه قائلة: "إحنا مش بس بندعم القضية لأن القضية الفلسيطينية هي أصلاً قضيتنا كلنا، عشان كده النهاردة كنا في الهلال الأحمر المصرى كمتطوعين في تعبئة الطعام والمستلزمات الطبية لإخواننا في فلسطين.

وتابعت: "إحنا اخترنا الهلال الأحمر عشان هو اللي علي تواصل مباشرة مع الهلال الأحمر الفلسطيني وبيعرفوا ايه هي احتياجاتهم بضبط ويوفروها طبعًا عن طريق تبرعاتكم والحقيقة إن في معلومات كتير قوي ومهمة عن الهلال الأحمر مكناش نعرفها زي إنهم بقالهم 100 سنة أو أنهم عندهم أكتر من 30 ألف متطوع وهما دايمًا علي أهبة الاستعداد لأي مشكلة أو خطر في البلد أو خارج حدود البلد زي اللي بيحصل مع أخواتنا في غزة وهما حابين يوصلوا لكم من خلالنا إن هما فاتحين باب التبرع والتطوع في أى وقت فا ماتنسوش تتبرعوا بالي تقدروا عليه لمساعدة إخواتنا في غزة عشان دي أقل حاجة نقدر نقدمها لهم في الوقت ده وربنا يصبرهم وينصرهم".

آخر أعمال ليلى زاهر الغنائية

على الصعيد الآخر، طرحت الفنانة ليلي أحمد زاهر، فيديو كليب أغنيتها الجديدة «كلمة أخيرة» عبر موقع الفيديوهات يوتيوب، والتي قامت بتصويرها في لبنان.

والأغنية من كلمات محمد حسن، وألحان وتوزيع إسلام زكى، وتعتبر أغنية «كلمة أخيرة» هي أولى أغنيات الفنانة ليلى أحمد زاهر بشكل رسمى، وذلك بعدما خاضت تجربة الغناء حيث سبق وغنت في حفل تخرجها أغنية «سقفة» وسط تفاعل زملائها.

كلمة اخيرة كلمات

أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا

و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها

أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها