ندى عفيفي: بتوجع وبسمع صوت قلبي وهو بيتكسر كل أما أشوف أم قلبها بيتألم على ولادها

حرصت الفنانة ندى عفيفي على الإعراب عن حزنها الشديد من انفطار قلب الأمهات على أبنائها بعد وفاتها، وذلك تزامنًا مع رحيل العديد من أطفال غزة نتيجة القصف الإسرائيلي خلال الفترة الحالية.

تحيا مصر يرصد في ذلك التقرير تصريحات ندى عفيفي عن حزن الأمهات على أبنائها

ندى عفيفي:  ربنا يحافظ على كل الولاد فى حضن أمهاتهم

وكتبت ندى عفيفي عبر حسابها الرسمي بموقع تبادل الصور والفيديوهات انستجرام: يا رب طبطب على قلب كل ام بتتحرم من ابنها او بنتها .. انا مجربتش احساس انى اكون ام بس اقسم بالله انا بتوجع وبسمع صوت قلبي وهو بيتكسر كل م اشوف ام قلبها بيتألم على ولادها . كان ليا تجربه كنت ام فيها وابنى بيموت .. مجرد استحضار الحاله وصلنى انى آخد مهدئات عشان اعرف اعرض اليوم ده ما بالكم الام الحقيقيه .. حاسه بيكي وبقلبك .. ربنا يحافظ على كل الولاد فى حضن أمهاتهم ويا رب ميحرمنيش من ولادى اللى فى كل مكان.

ندى عفيفي وأزمتها مع لوسي

يذكر، أنه ذاع صيت ندى عفيفي بعدما تعرضت للاعتداء بالضرب على المسرح من قبل الفنانة لوسي، وخرجت الفنانة الشابة لتفتح النيران على لوسي وقالت في تصريح خاص عبر موقع تحيا مصر: الأستاذة لوسي طلعت غلطت فينا كلنا مع الاستاذة لميس الحديدي، وأنا ناس كتير نصحوني أعمل محضر في القسم ضدها وأنا مرضتش ومش احنا اللي نعمل كده في بعض،  احنا زمايل واكيد هنتقابل في أعمال تانيه احتراما للفن و احنا لنقدم حاجه مهمه وغاليه ومش احنا اللي نشنكي بعض لكن فؤجنا أن الفنانه الكبيرة هي اللي يصدر منها  الشكوى.

عودة الأزمة من جديد

وبعد أيام من الأزمة خرجت  ندى عفيفي وكتبت عبر حسابها الشخصي على موقع التواصل الاجتماعي فيس بوك: سنة وشهر و18 يوما من يوم الواقعة وأنا أنتظر عدل ربنا ودايما كنت واثقة وعندي يقين بالله، ناس سابتني وناس وقفت جمبي وناس هاجمتني وناس كسرت أملي وناس ساندتني ودعمتني بكل قوة، أحداث كتير وتفاصيل كتير، تعبت وأحبطت واتكسرت لكن دايما ملجأي هو حبيبي ربنا، قريبا بأمر من الله، دعواتكم في اللي جاي ورد الاعتبار الفني والأدبي.