رحمة حسن تعلن إغلاق حسابها عبر إنستجرام: بشوف حاجات توجع القلب

أعلنت الفنانة رحمة حسن استعدادها لإغلاق حسابها عبر موقع تبادل الصور والفيديوهات إنستجرام، بسبب الأحداث الموجعة التي تغزو السوشيال ميديا مؤخرًا.

تحيا مصر يرصد تفاصيل أحدث منشورات رحمة حسن عبر إنستجرام

وكتبت رحمة حسن: أنا للأسف هقفل أو همسح الانستجرام مؤقتا، لأني حقيقي مش قادرة غصب عني بشوف حاجات توجع القلب، وحقيقي متعبة نفسيًا جدًا، هرجع تاني أول ما أقدر.

رحمة حسن تتعرض لمطاردات

وسبق وأن كشفت الفنانة رحمة حسن عن تعرضها لمطاردات من معجب، وذلك عبر حسابها الرسمي بموقع تبادل الصور والفيديوهات الشهير انستجرام.

ونشرت رحمة حسن سكرين شوت من رسائله الأخيرة عبر انستجرام، معلقة: الرسالة دي جاتلي النهارده من نفس الشخص، واللي هو حاطه ده الاكونت الخاص بتاعي اللي عليه اصحابي البنات بس.. ياريت حد يتصرف لان كده كتير.

رحمة حسن: في حد متتبع الأماكن اللي بروح فيها

وبعد تساؤلات عدد كبير من الجمهور حول ما يفعله لها هذا الشخص، كانت قد روت رحمة حسن تفاصيل التعدي عليها من قبله، اذ قالت: “الشخص ده من سنتين و هو بيبعت رسايل غريبة و بيعمل حاجات غريبة وبيضايق كل صحباتي البنات لو نزل صورة او حاجه معاهم و حتي الناس اللي بشتغل معاهم او اصحابي في العادي بيدخل يدور علي الاكونتات بتعتهم و يبعتلهم اغاني و حاجات غريبة و يسال عني انا في و بروح فين و كل اصحابي مش واحد بس عمل كده مع اكتر من حد ..متتبع الاماكن اللي بروح فيها و مش عارفة بيعرف منين انا بقالي سنتين علي الحال ده اخرها المكان اللي كنت مفروض اروحه بكرة علشان شغل …!”.

أخر أعمال رحمة حسن

ومن الجدير بالذكر أن أخر أعمال رحمة حسن مسلسل إيجار قديم الذي تدور أحداثه حول عمارة يسكن بها عدد كبير من السكان، ونظام الدفع الشهري بطريقة قانون الإيجار القديم، ويملك العمارة شريف منير، وتدور داخل المسلسل الكثير من الأحداث المختلفة، والمسلسل من نوعية المسلسلات الإجتماعية اللايت.

ويشارك في بطولة مسلسل إيجار قديم، شريف منير، صلاح عبد الله، فيدرا، محمد الشرنوبي، هشام إسماعيل، ميمي جمال، حازم سمير، رحمة حسن، بسمة داوود، إلهام وجدي، ومن إخراج طارق رفعت وتأليف عمرو الدالي، ومدير تصوير كريم أشرف.