خالد سليم: قلبي محروق وبتقطع وتعبان من اللي بيحصل.. مش عارف أقول اي

أعرب الفنان خالد سليم عن شدة حزنه بما يحدث في فلسطين وغزة خلال الفترة الحالية، مشيرا إلى أنه لم يتوقف عن البكاء نتيجية مشاهدة الأحداث المتتالية والأزمات التي يتعرض لها أشقائها في فلسطين.

تحيا مصر يرصد في ذلك التقرير تصريحات الفنان خالد سليم عن فلسطين 

خالد سليم يدعم فلسطين بكلمات مؤثرة

وكتب خالد سليم عبر حسابه الرسمي بموقع تبادل الصور والفيديوهات انستجرام: أنا مش عارف اقول ايه؟ أنا ببكي بس .. قلبي محروق .. قلبي مولع .. مش عارف اعمل ايه علشان اهدا … بجد مش قادر اعبر ولا عارف اتكلم .. أنا بس بتقطع و تعبان من اللي بيحصل دا.

نجوم الفن يدعمون فلسطين

يذكر، أنه حرص عدد كبير من نجوم الفن على دعم فلسطين حيث قالت في فيديو عبر موقع انستجرام: "من ساعة ما صحينا على اللي بيحصل مع أطفالنا وأهلينا في غزة وأنا مش عارفة أقول إيه المصاب جلل وبيصغر قدامه أي منطق وبيعجز العقل أنه يحلل اللي بيحصل ده لأنه برا حدود الإنسانية والرحمة، هتسألني كلام زي ده أو وقفة نقفها ممكن تغير أي حاجة، هرجع أقولك أه لأن العدو مش بس بيحاول يبيد شعب لن يباد أبدا بأمر الله وبإرادته الحرة الباسلة القوية، لأ دا كمان ابتدى يقرب على حدودنا ابتدى يتكلم عن سيناء ... تاني رجع يتكلم عن سيناء".

وتابعت: "سيناء مش حل مطروح، سيناء مش مجرد أرض مصرية سيناء دفعنا فيها آلاف الشهداء علشان تنال حريتها ومستعدين ندفع أكتر كمان، سيناء الحلم التاريخي السخيف المجنون للعدو، عشان كده محتاجين كلنا نتضامن ونظهر للعالم كله إننا رافضين الأفعال الوحشية اللي بيقوم بيها إسرائيل ضد فلسطين الحبيبة الباسلة وكمان إننا نقول لهم أننا اخترنا الكرامة والسيادة الكاملة على أراضينا".

صفاء أبو السعود: بقالي أكتر من 4 دموعي لا تتوقف

وكانت قد خرجت صفاء أبو السعود باكية فقالت: بقالي أكتر من 4 أيام دموعي لا تتوقف، لأن النيران في كل مكان ونار الحرب في غمار البحار نفسها وفي والهوا، والأرض كلها ملتهبة بالنيران، وده شيء فوق الاحتمال والواحد مش مصدق اللي بيحصل، لأن مفيش دين من الأديان بيقول حلال قتل الروح اللي المفروض لا تقتل إلا بإذن ربها فإزاي بيقتلوا الأطفال والأرواح.

وأضافت: شيء موجع وفظيع ومدمر للنفس البشرية والواحد مش قادر يستحمل، وأكيد ربنا موجود يحميهم والواحد بيدعي ربنا يسكن الطوفان الفظيع ده حقنا للدماء، لأن القلوب أصبحت أشد قصوة من الصخور وعندهم غفلة وغرور، ولازم القتل يتوقف بأي طريقة.