سعد الصغيرلـ محمد صلاح: سيبك من كلام الناس وأنت القدوة بتاعتنا

أعلن المطرب الشعبي سعد الصغير تضامنه مع فلسطين وعلق على الهجوم للاعب محمد صلاح ومحمد رمضان، كما أنه ناشد نقابة المهن الموسيقية بجمع تبرعات من الأعضاء لمساعدة فلسطين.

تحيا مصر يرصد لكم تضامن سعد الصغير مع فلسطين وتعليقه عن الهجوم الذي تعرض له محمد صلاح ومحمد رمضان

سعد الصغير: بناشد نقابة الموسيقيين عايزين يوم من إيراد الفنانين كلهم لفلسطين

نشر سعد الصغير فيديو له من خلال حسابه الرسمي على موقع تبادل الصور والفيديوهات الإنستجرام تضامنًا مع فلسطين، وقال فيه: "ياريت كل واحد يعمل اللي عليه كلنا مع فلسطين بس في ناس ماتت وناس مصابة وناس منه غير بيوت لحد دلوقتي، بعد إذنكم إحنا ليه بنتكلم بس وليه مابنعملش فعل؟".

وتاع سعد الصغير قائلًا: "أنا بناشد نقابة المهن الموسيقية النقيب بتاعنا الأستاذ مصطفى كامل، بعد إذنك عايزين يوم من إيراد الفنانين كلهم نبعته لفلسطين، اليوم ده ممكن يقصر مع حضرتك عشان المعاشات الله يكون في عونك، أنا بدفع في النقابة في اليوم 1300 جنيه قولي أدفع ألفين أو تلاتة أو أربع آلاف جنيه وناخد الباقي نبعته لفلسطين".

سعد الصغير: اللي بيقول نحارب دي مش بتاعك وملكش دعوة بالسياسة خالص

واستكمل سعد الصغير قائلًا: "كل ممثل يا جماعة إحنا مش عايزين كلام كلنا نعمل اللي علينا، والممثلين ما تتبرع باللي أنت عايزه لكن مش هنقف نقول فلسطين وأننا في ضهرها، لأ مش كلام لينا أخواتنا هناك عايزين دم وحاجات كتير وقاعدين في الشارع وإحنا عايزين نجيب لهم مراتب وبطاطين ولبس وكل حاجة".

ورفض فكرة الحرب وقال: "ملكش دعوة وتقول نحارب دي مش بتاعك أنا كنت عسكري في الجيش الحرب مش أي كلام وخلاص، وزي ما أنت شايف الرئيس السيسي ما شاء الله ربنا يخليه لينا حتى الناس المعارضين بقوا معه والحمدلله المساعدات هتدخل، أنت ملكش دعوة بالسياسة خالص".

أما عن الهجوم الذي تعرض له محمد صلاح، قال سعد الصغير: "بشكر القدوة بتاعتنا محمد صلاح وسيبك من كلام الناس، محمد صلاح في منطقته بيساعد البنات في الجواز وعامل معهد ديني ومدرسة، فـ متجيش عليه عشان أنت مش عارف حاجة ولا إيه اللي جواه، أنت عايزه يطلع يتكلم وخلاص ده في رؤساء دول مش عارفين يتكلموا".

ووجه رسالته لعمال الإنتاج الحربي، وقال: "حبايبنا العمال وزارة الإنتاج الحربي كلهم عشان أنا كنت فيه، إحنا نخصم من شريط القبض لو كل واحد جنيه أو اتنين أو 200 على حسب قبضك ونبعتهم يا جماعة هي دي الوقفة، لكن نقول فلسطين وبعدين عملت إيه كده، لا خد ثواب وأقف مع أخواتك الفلسطينيين".

سعد الصغير: بناشد عمرو أديب وأحمد شوبير وأحمد فايز وعمرو الليثي يجمعوا تبرعات

ثم طالب من بعض الإعلاميين جمع التبرعات لفلسطين من خلال برامجهم، وقال: "أنا بقى أناشد أستاذ عمرو أديب وأحمد شوبير وأحمد فايز وعمرو الليثي أنتوا البرامج بتاعتكم متشافة، بعد أذنك أستاذ عمرو الليثي أعمل تبرعات زي ما كنت بتعمل زمان يلا نعمل كده، وطبعًا الحاجات دي مش هينفع حضرتك تلمها وزيرة التضامن حضرتك أبعت لينا مندوبين يقعدوا في البرنامج، أستاذ أحمد شوبير حضرتك برنامجك معروف ياريت تعمل كده، أستاذ مجدي عبدالغني قدوة للأهلاوية كلهم والناس كلهم بتحبك".

وأشار إلى النادي اأهلي الذي تضامن كليًا مع القضية الفلسطينية، وقال:"النادي الأهلي الوحيد اللي تحس أنه بجد عمل حاجة، المباراة اللي جاية إيراداتها كلها لفلسطين، وطبعًا نادي الزمالك العظيم أول ما الانتخابات تحصل وكل الأندية المحترمة ياريت نعمل تبرعات، النهاردة بعد صلاة الجمعة هنقول فلسطين، لأ هما عايزين يعرفوا يناموا ويتعالجوا، كابتن بيج رامي أنا شوفت مشاعرك وأنت بتبكي ربنا يخليك لمصر، كابتن مصر هات 20 مرتبة وأبعتهم"

سعد الصغير: محمد رمضان اللي هاجمه عايز يطلع تريند

أما عن أزمة محمد رمضان الأخيرة، قال: "محمد رمضان كلنا وقفنا له عشان الفيديو بتاعه، ليه واحد في زلة لسان أو مضايق تلاقي بقى واحد عايز يطلع تريند طيب محمد رمضان دفع 2 مليون جنيه وجاب جهاز غسيل كلى لمعهد القلب أنت دفعت إيه".

وتابع سعد الصغير قائلًا:"الفنان الجميل أوي تامر حسني بيتبرع متتكلمش وأنت مبتعملش أي حاجة أنت متبرعش حتى بـ 200 جنيه، في فنان كبير أوي ماشوفتهوش في مرة زار مستشفى ولا دار أيتام ولا دفع حتى 100 ألف جنيه تبرع، بجد أنا محروق يا فنان يا عظيم فرح واحد بس بتاخد مليون جنيه، غني كأنك غنيت لأي حد مجاملة وهات المليون نبعتهم لفلسطين، أنا بناشد الناس كلها اتبرعوا ويارب فلسطين ترجع أحسن من الأول بإذن الله".