دعاء حلمي عن فيديو محمد رمضان الأخير: بيعمل مزايدة على محمد صلاح وباسم يوسف

خرجت الناقدة الفنية دعاء حلمي للرد على مقطع فيديو محمد رمضان الأخير عبر حسابه الرسمي على موقع التواصل الاجتماعي فيسبوك، والذي أثار به جدلًا واسعًا.

تحيا مصر يرصد رد دعاء حلمي على فيديو محمد رمضان.

رد دعاء حلمي على فيديو محمد رمضان

وقالت حلمي في تصريح خاص لموقع تحيا مصر: محمد رمضان عمل كده عشان حب يغطي على فيديو المساج اللي شاله ونوع من أنواع المزايدة أن باسم يوسف ومحمد صلاح خدوا التريند فقال أنا مش هسكت واطلع تريند فطلع بشكل غشيم.

دعاء حلمي تنتقد محمد رمضان 

وتابعت: هل لو طلبناه في الحرب هيجي ولا هيبقى عنده تصوير.. الفيديو غير موفق والوضع مش محتاج استظراف. 

على الصعيد الآخر، قال محمد رمضان: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

تصريحات محمد رمضان 

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

وسبق وقال محمد رمضان: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وتابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.