خالد الصاوي بالوقفة التضامنية مع غزة: أسفين مش قادرين نقدم ما يجب لأن حسابات السياسة معقدة

شارك الفنان خالد الصاوي في الوقفة التضامنية لفلسطين، والتي أطلقتها نقابة المهنة التمثيلية، وعبر عن حزنه لما يحدث في غزة من قبل الاحتلال الصهينوني، ووجه رسالة إلى أهالي غزة.

تحيا مصر يرصد لكم رسالة خالد الصلاوي إلى أهالي غزة خلال الوقفة التضامنية التي أطلقتها نقابة المهن التمثيلية بسبب الوضع الراهن الذي يمرون به

خالد الصاوي: والله إحنا دائمًا معاك يا شعب فلسطين الصامد البطل الجبار الاستثنائي

وجه خالد الصاوي رسالة إلى الشعب الفلسطيني من خلال لقائه ببرنامج عرب وود أثناء وجوده في الوقفة التضامنية مع فلسطين، وقال: "والله إحنا دائمًا معاك يا شعب فلسطين الصامد البطل الجبار الاستثنائي مفيش شعب كده يقدر يصمد بالطريقة دي إحنا بنحسد قوتك وعظمتك وأسفين أننا مش قادرين نقدم حاليًا لأن حسابات السياسة معقدة".

خالد الصاوي: بنشحن طاقة نفسنا ونشوف إيه الطرق اللي ممكن تبقى مؤثرة

واختتم خالد الصاوي حديثه قائلًا: "كل اللي بنحاول نعمل دلوقتي من خلال دعوتنا النهاردة أننا نشحن طاقة نفسنا ونشوف إيه الطرق اللي ممكن تبقى مؤثرة، سواء في خطابنا لخارج مصر أو توحيدنا طاقة الفنانين والممثلين العرب، وإزاي نقدر نقدم رسالة مؤثرة في الخارج بيعمل ضغط في الخارج، إلى أن تتحرك الحكومات العربية في الاتجاه المنشود".

عمر كمال: لازم نتوحد كعرب ونجهز جيش قوي ويخشوا الحرب

والجدير بالذكر، أن المطرب عمر كما أعلن عن تضامنه مع القضية الفلسطينية، من خلال حسابه الرسمي عبر موقع تبادل الصور والفيديوهات الإنستجرام، وقال: "أنا مبشاركش غير ببوستات أو برأي من وقت الأزمة على صفحتي، وبفضل أكون بعيد لحد ما الأزمة تعدي عشان في ناس أهم مني 100 مرة ممكن تتكلم في اللي بيحصل ده وتقول رأيها، إسرائيل مينفعش معاها غير الحرب هتتبرع بدمك بكرا هي هتوقع 100 شهيد ودمك ملوش أي لازمة، هتتبرع زي محمد صلاح هتوقع بيوت وهدمر غزة، هتكتب رأيك في بوست هتقاطع مطاعم كل ده مينفعش مع إسرائيل عشان هما بينفذوا وبس، لازم نتوحد كعرب ونجهز جيش قوي ويخشوا الحرب زي ما عمل محمد أنور السادات، الحل في الحرب من الآخر، والناس بتموت ومش هنقعد نعمل أغاني ونصوت".