منة القيعي عن الراحل عمار الشريعي: قالي شدي على أشعارك السيفون

كشفت الشاعرة منة عدلى القيعى، عن تفاصيل مكالمتها مع الفنان الراحل عمار الشريعى الخاصة بأغانيها.

وقالت منة عدلى القيعى: تحدثت مع الراحل عمار الشريعى لاعرض عليه عدد من أشعارى ولكن بعد أن استمع  إلى أشعارى نصف ساعة قال "لى شدى عليها السيفون".

وأضافت منة عدلى القيعى : أشعارك خالية من الوزن والقافية واستفدت منه كثيرا وذهبت بعدها إلى صلاح فايز.

على الصعيد الآخر، قالت ميرفت زوجة عمار الشريعي خلال مداخلة هاتفية مع برنامج «السفيرة عزيزة»، وتقدمه الإعلامية نهي عبدالعزيز، والمذاع على فضائية دي أم سي: رغم أن هو مات من 0 سنين بس لسه أعماله موجودة وبيسمعها الجميع، وأنا لسه بنتفرج أعماله في المسلسلات والأفلام والأغاني.

وتابعت: عمار الشريعي لسه عنده معجبين كتير لغاية دلوقتي، وبيقولوا  دائمًا أنه علمهم ورباهم ثقافيًا وموسيقيًا، والحاجات دي بتفرحني، وبفرح لما بيكلموني في ذكراه.

زوجة عمار الشريعي: محسسنيش أني مختلفة عنه وكان بيقدر الست
وتابعت: أنا عشت مع بني آدم محترم  وابنه، والواحد لما بيسمع المشاكل الزوجيه دلوقتي بيقول إزاي فيه رجاله كده، أنا كنت مع راجل محترم جدا ومحسسنيش إني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه، ومقدر النعمة اللي معاه
وأوضحت أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ25 عاما، متابعة: بقالي 10 سنين عايشة علشان مراد ابني، وأحقق فيه اللي بباه كان عايزه.

وعمار الشريعى من مواليد مدينة سمالوط أحد مراكز محافظة المنيا فى 16 أبريل 1948 له علامات وبصمات فى عالم الموسيقى، سواء الموسيقى التصويرية للعديد من الأعمال السينمائية والتليفزيونية والتترات الشهيرة التى قدمها مع سيد حجاب وعلى الحجار ومحمد الحلو والأعمال درامية تعد من كلاسيكيات الدراما.