محمد عطية يناشد مشاهير العالم: أرجوكم اتكلموا عن اللي بيحصل في فلسطين.. سنُسأل لاحقًا

حرص الفنان محمد عطية على مناة جميع المؤثرين بمواقع التواصل الاجتماعيِ، الفنانين ولاعبي كرة القدم، بالتحدث عن القضية الفلسطينية.

تحيا مصر يرصد مناشدة محمد عطية لمشاهير العالم بالتضامن مع إسرائيل. 

مناشدة محمد عطية لمشاهير العالم بالتضامن مع إسرائيل

ونشر محمد عطية مقطع فيديو عبر حسابه الرسمي بموقع تبادل الصور والفيديوهات القصيرة إنستجرام، قال فيه: بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج.

وأضاف: الوضع هناك أسوأ من السجن، أنت في السجن متأمنلك أكل وشرب ومش معاك أطفال ولا رُضع، الوضع في غزة مش بالمنظر ده، النهاردة إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية.

واختتم محمد عطية حديثه: بلاش الكلام بتاع هو الكلام هيأثر؟.. إحنا مفيش في إيدينا حاجة نعملها غير ده ولو في حاجة تانية قولولي وأنا أول واحد هعملها، فمفيش غير إننا نتكلم على السوشيال ميديا وأرجوكم متزهقوش.

تصريحات محمد عطية

على الصعيد الآخر، قال محمد عطية: كنت بحب ميرا مخايل فعلًا في برنامج ستار أكاديمي، وفضلنا 3 سنين ونص متصاحبين بعد برنامج ستار أكاديمي، وهي دلوقتي متجوزة وهي صديقة رائعة، ومكملناش بسبب اختلاف الدين.

علاقة محمد عطية بميرا مخايل

وتابع: أنا معنديش مشكلة في الحاجات دي وعندي اعتقاد شخصي أن الحب بيتزرع في قلب الإنسان من ربنا، والدين فكرته كلها تهذيب البشرية والناس تكون بتحب بعض، لو بتعملي ده إيه المطلوب تاني غير كده؟ وفي الآخر إحنا في حياتنا عايشين علشان نتبسط كل اللي حوالينا ده ديكور.

وسبق وقال محمد عطية: الحب الأفلاطوني لأ.. لأنه غير صحي.. بداياته فقط بتكون ممتعة، لكن عادة ما ينتهي بوجع قلب وخسائر لأنه بيبقي فاقد الجانب العقلاني، الحب تدريجيًا بناءً علي عقل وتفاهم بيوصل بالطرفين لعلاقة صحية بكتير من الحب اللحظي.

وتابع: الحب هو أن تجد شخص تستطيع أن تصبح نفسك تماما أمامه، وأن تستطيع التواصل معه دون معوقات أو تبريرات لتصرفاتك.. ولكن عامة الحب بيزول عاجلا أم آجلا لذلك التفاهم والتقبل هما سر استمرارية أي علاقة صحية.