نشرة أخبار الفن: انتصار تدلي بتصريحات جريئة.. نجلة طلعت زكريا تحيي ذكرى رحيله وهذا سبب وفاة محمد بطاوي

شهدت الساحة الفنية، اليوم الأحد الموافق 8 أكتوبر، العديد من الأنباء الهامة والأحداث الفنية المشوقة واللافتة للإنتباه، وفي هذا الإطار يستعرض تحيا مصر أحداث فنية في إنتظارك.

راح مني أغلى حاجة في دنيتي.. إيمي طلعت زكريا تحيي ذكرى رحيل والدها

حرصت الفنانة الشابة إيمي طلعت زكريا، على إحياء ذكرى وفاة والدها الفنان طلعت زكريا، التي تحل اليوم الأحد الموافق 8 أكتوبر، طالبة الدعاء له بالرحمة والمغفرة.

ونشرت إيمي عدد من الصور عبر حسابها على موقع تبادل الصور  والفيديوهات القصيرة إنستجرام، وعلقت قائلةً: زي النهارده من 4 سنين راح مني أغلى حاجة في دنيتي.. بابا.. ربنا يرحمك يا حبيبي ويغفرلك.. وحشتني أوي.. الفاتحة.

بلبس مايوه واللي مش بيحبني في البرامج ميتفرجش عليا تاني.. أبرز تصريحات انتصار

كشفت الفنانة انتصار تفاصيل لأول مرة عن حياتها الشخصية في برنامج In Deep للإعلامي تامر شلتوت، وعلقت على بعض تصريحات التلفزيونية السابقة، وعن حقيقة معرفتها أنها في ضيافة برنامج رامز جلال والذي يعرض في رمضان.

لما تقولي كل الرجالة خاينة هل أبوكي خاين؟!

مصطلح المراة المستقلة عبارة عن الأفكار مشوهة وفي حاجات كتير بتهد الزواج

الممثلة الكوميدية بتكون جريئة شوية وجوزي كان بيعلق على لبسي.

في ناس موجهة بتقدم حاجات موجهة ومذيعين طالعة من غير CV

في مذيعة تتكلم في طب النفسي وعن المشاكل الاجتماعية هي مش درسته عشان تتكلم في المشاكل

العيب على اللي عمل لهم البرامج مش عليهم وممكن يترفع عليهم قضايا لأنهم بيأذوا المجتمع
اللي مش بيحبني في البرامج ميتفرجش عليا تاني

أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟

أم كلثوم غنت للقبلة كارهين القبلة ليه؟، إحنا متربين على سينما كلها قبلات
يعني إي سينما نظيفة مغسولة يعني؟ حرام عليكم بيقيتوا تافهين

بلبس المايوه مش مقاطعاه ليه عايزين تاخدوا تصريح على لساني تدينوا بي المايوه؟

عملنا حلقة عن أسباب مشاهدة الفيديوهات الإباحية، فناس قالت بنصبر نفسنا، فأنا قولت الناس بتتفرج ليه؟!

كنت عايزة ألاقي أسباب إجابة عادية لكن مقولتش أني بدعم مشاهدة الأفلام الإباحية

زميلة قالت تعليق أنقح مني قعدت تشرح وعليت عليا سابوا كلامها ومسكوا فيا

إحنا بنتقاضي أجر مقابل اللي بتقوله، ووائل الإبراشي قالي إيه البرويل اللي عملتيه ده أنا بحب الحاجات دي أوي

مكنتش عارفة أني رايحة لرامز، ونزل عليا كريزة ضحك في الحلقة لما عرفت المقلب
مسكت بـ لقب انتصار فاتنة الشرق وواحد قالي أنتي هيلكوبتر مصر زي باشا مصر كدة

في نقاد معروفين أنهم مرتشين وممولين وبيتمادي في الغلط لكن مبكلمهمش ولا أعاتبهم

أنا بنتي امتداد ونسخة مني، ولو في راجل أكبر منها بكتير ـتقدم لها هرفضه أكيد

لو أمه مش كويسة ومدخلتش دماغي هرفضه حتى لو هو آية لا يمكن أقبل أنه يتجوزها

لو حصل مشاكل بين بنتي وجوزها هنرجع للأب ولو الأم قرشانة هجيبها من شعرها

أنا محتاجة راجل في حياتي لكن ولادي في سن صعب

سبب وفاة محمد بطاوي بعد 3 سنوات من زواجه

سبب وفاة محمد بطاوي.. فجع الوسط الفني أمس السبت الموافق 7 أكتوبر برحيل الفنان الشاب محمد بطاوي والذي شيعت جنازته بعد صلاة الظهر في الفيوم بمقابر العائلة بقرية جردو وتسبب في حالة حزن وصدمة لكافة زملائه.

ويرجع سبب وفاة محمد بطاوي إلى إصابته بأزمة قلبية بعد معاناته من مشاكل في القلب أدت إلى رحيله عن عالمنا.