بلبس مايوه واللي مش بيحبني في البرامج ميتفرجش عليا تاني.. أبرز تصريحات انتصار

كشفت الفنانة انتصار تفاصيل لأول مرة عن حياتها الشخصية في برنامج In Deep للإعلامي تامر شلتوت، وعلقت على بعض تصريحات التلفزيونية السابقة، وعن حقيقة معرفتها أنها في ضيافة برنامج رامز جلال والذي يعرض في رمضان.

تحيا مصر يرصد لكم أبرز تصريحات انتصار لـ برنامج In Deep للإعلامي تامر شلتوت وتكشف عن تفاصيل لأول مرة وتعلق على تصريحاتها التلفزيونية

انتصار: أنا محتاجة راجل في حياتي لكن أولادي في سن صعب

• يعني إيه كل الرجالة خاينة؟ عيب ليه يتعمم في رجالة محترمة
• لما تقولي كل الرجالة خاينة هل أبوكي خاين؟!
• مصطلح المراة المستقلة عبارة عن الأفكار مشوهة وفي حاجات كتير بتهد الزواج،
• الممثلة الكوميدية بتكون جريئة شوية وجوزي كان بيعلق على لبسي.
• في ناس موجهة بتقدم حاجات موجهة ومذيعين طالعة من غير CV
• في مذيعة تتكلم في طب النفسي وعن المشاكل الاجتماعية هي مش درسته عشان تتكلم في المشاكل
• العيب على اللي عمل لهم البرامج مش عليهم وممكن يترفع عليهم قضايا لأنهم بيأذوا المجتمع
• اللي مش بيحبني في البرامج ميتفرجش عليا تاني
• أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟
• أم كلثوم غنت للقبلة كارهين القبلة ليه؟، إحنا متربين على سينما كلها قبلات
• يعني إي سينما نظيفة مغسولة يعني؟ حرام عليكم بيقيتوا تافهين
• بلبس المايوه مش مقاطعاه ليه عايزين تاخدوا تصريح على لساني تدينوا بي المايوه؟
• عملنا حلقة عن أسباب مشاهدة الفيديوهات الإباحية، فناس قالت بنصبر نفسنا، فأنا قولت الناس بتتفرج ليه؟!
• كنت عايزة ألاقي أسباب إجابة عادية لكن مقولتش أني بدعم مشاهدة الأفلام الإباحية
• زميلة قالت تعليق أنقح مني قعدت تشرح وعليت عليا سابوا كلامها ومسكوا فيا
• إحنا بنتقاضي أجر مقابل اللي بتقوله، ووائل الإبراشي قالي إيه البرويل اللي عملتيه ده أنا بحب الحاجات دي أوي
• مكنتش عارفة أني رايحة لرامز، ونزل عليا كريزة ضحك في الحلقة لما عرفت المقلب
• مسكت بـ لقب انتصار فاتنة الشرق وواحد قالي أنتي هيلكوبتر مصر زي باشا مصر كدة
• في نقاد معروفين أنهم مرتشين وممولين وبيتمادي في الغلط لكن مبكلمهمش ولا أعاتبهم
• أنا بنتي امتداد ونسخة مني، ولو في راجل أكبر منها بكتير ـتقدم لها هرفضه أكيد
• لو أمه مش كويسة ومدخلتش دماغي هرفضه حتى لو هو آية لا يمكن أقبل أنه يتجوزها
• لو حصل مشاكل بين بنتي وجوزها هنرجع للأب ولو الأم قرشانة هجيبها من شعرها
• أنا محتاجة راجل في حياتي لكن ولادي في سن صعب

آخر أعمال انتصار

ومن جهة آخرى، شارك انتصار في مسلسل أولاد عابد والذي تدور أحداثه في إطار اجتماعي في منزل عابد المصري، أحد أغنى رجال الأعمال بمصر، ويقع صراع جشع على المال والثروة بين عائلته وتحدث منافسة شديدة تتسبب في تشتت عائلته، وشارك انتصار البطولة كل من إبراهيم كمال، رياض الخولي، مي الغيطي، إيهاب فهمي، أيتن عامر، ومحسن محيي الدين، من تأليف سماح الحريري وإخراج أكرم فريد.

برنامج من غير نفسنة

والجدير بالذكر، أن انتصار تقدم برنامج من غير نفسنة عبر شاشة قناة عي مع كل من بدرية طلبة ونوليا، هو برنامج نسائي ساخر تناقش من خلال القضايا الاجتماعية وتستضيف عدد من الشخصيات المؤثرة على السوشيال ميديا والمشاهير والفنانين لمناقشة آرائهم في تلك القضايا، ومن خلال عادت انتصار لتجربة تقديم البرامج.