إلهام شاهين: أنا عندي رعب من آلزهايمر وهو أصعب من أي مرض

فجرت الفنانة إلهام شاهين، عدة تصريحات خلال حلولها ضيفة على برنامج كلمة أخيرة والذي تقدمه الإعلامية لميس الحديدي وذلك حول آخر أعمالها بعنوان الفريدو.

تحيا مصر يرصد تصريحات إلهام شاهين. 

تصريحات إلهام شاهين

وقالت إلهام شاهين: أنا ببحث عن الأدوار الصعبة واللي محدش عمل  شبهها محدش وجميع الأدوار التي تناولت شخصية المصاب بـ آلزهايمر لم تتناول المرض من الجانب الذي تناولته  شخصية (سوسو) في مسلسل ألفريدو، ومحدش عمل مرض آلزهايمر زي السكة المكتوبة في المسلسل ومفيش فنانة عملته.

إلهام شاهين ضيفة برنامج كلمة أخيرة

وتابعت: التعليقات على المسلسل أروع مما تخيلت وأروع ماقيل عن حياتي الفنية ككل، أنا مش معترضة إن فيه ناس متحبش إلهام شاهين لكن  حتى اللي مش بيبحني حبني في الدور والمسلسل، وأول مرة اللي بيحبوني واللي مش بيحبوني يجتمعوا ويعجبهم دوري للدرجة  دي (سوسو) عملت تصالح مع المهاجمين والمحبين حتى اللي ممكن يعارضوا ويهاجموا قبل ميشوفوا العمل، لكن المرة دي مش لاقيين حاجة يقولوها.

واستطردت: زودت التجاعيد والشعر الأبيض عشان مرض آلزهايمر بيجي في السن المتقدم، وبالتالي عاوزة الناس تحس بالشخصية وتفصلها عن إلهام شاهين، ومن أول معرفت إن الدور بيتكتب بطلت أصبغ شعري عشان يظهر الشعر الأبيض وعشان أزود خصلات بيضاء بقدر بسيط عشان عايزة الناس تحس بـ (سوسو) ويصدقوها وأنا تعاملت معها بهذا الشكل.

وعن مشهد وفاتها بالعمل: أصعب المشاهد وتعبت بعده بطبعي مش  بحب أعيد المشاهد، مشهد الموت عملته كذا مرة وكل شوية أفتح عيني وأقول مش عارفة أموت كنت مهزوزة   وعصبية لدرجة إني  كنت بنسى إني بتصور وكل مغمض عيني وأفتحها أسالهم انتوا بتصوروا دلوقتي؟، كان مشهد صعب لإني لما تخيلت إن فيه حد مصاب بالاختناق وصعوبة تنفس الرئة تشبه حالة الغرق، وأنا كتمت النفس بجد.

خوف إلهام شاهين من مرض الزهايمر 

واختتمت حديثها قائلة: أنا عندي رعب من مرض آلزهايمر، لأن الإنسان يموت بعد إصابته به ولا زال به الروح، الحياة هي أن تعيش على ذاكرتك وناسك تعيش على ذكرياتك وناسك، ولو فقدنا الذاكرة يبقى احنا ميتين، مرض الإصابة به يعني  أنا مش موجودة، بتنفس وباكل وبشرب بس ميتة، أصعب من أي مرض وليس له علاج، حتى السرطان اللي بنخشاه له علاج وهناك تطور جراحي ودوائي  يحمل الأمل، لكن آلزهايمر ليس به أمل وأقصى طموح أن نؤخر تطوره ونمنع وصوله إلى مرحلة التدهور.