خاص| حمدي عباس: بقدم دور خليل شخص شرير والخميس اللي جاي هو عقدة الفيلم ولازم تتحل

يستعد الفنان حمدي عباس لعرض أجدد أعماله السينمائية والتي تحمل اسم الخميس اللي جاي لـ عمرو عبدالجليل، والمقرر طرحه بدور العرض خلال الفترة المقبلة، وكشف عن دوره في العمل وكواليسه من خلال تصريحات لـ تحيا مصر.

تحيا مصر يرصد أبرز تصريحات حمدي عباس عن دوره في فيلم الخميس اللي جاي وعن كواليس العمل وعلاقته بـ عمرو عبدالجليل

حمدي عباس: بقدم دور خليل دراع سالم اليمين وهو شرير 

كشف الفنان حمدي عباس عن دوره في فيلم الخميس اللي جاي في تصريحات خاص لـ تحيا مصر، وقال: "بعمل شخصية خليل دراع سالم بيه اليمين اللي بينفذ كل مخططاته الإجرامية"، وأشار أن الشخصية بعيدة كل البعد عن حقيقته قائلًا: "أنا مش شرير بصراحة في الحقيقة أنا غلبان جدًا لكن بعمل كوميديا كتير الحمدلله وبحب أفرح الناس".

وأوضح أنه استحضر حالة الشر من خلال صديقه وقال: "في واحد صاحبي لما بفتكره بشوف الروح الشريرة كان بيعمل فينا مقالب كتير".

وأكد حمدي عباس أن كان غالبية مشاهدة تجمعه مع الفنان عمرو عبدالجليل ومحمد حسني وقال: "أكتر مشاهدي في الفيلم مع الفنان عمرو عبدالجليل مع صديقي وحبيبي وعشرة عمري محمد حسني"، وعن أقرب النجوم له في حياته الخاصة قال: "أقرب الفنانين إنسانيًا مي كساب إسلام إبراهيم ومحمد حسني حبيبي وعشرة عمر طويلة".

حمدي عباس: الخميس اللي جاي رعب ممزوج بالكوميديا ومناسب لكل أفراد الأسرة

وأشار حمدي عباس إلى أن الخميس اللي جاي رعب ممزوج بالكوميديا ومناسب لكل أفراد الأسرة، وكشف كواليس العمل حيث قال: "الكواليس كان فيها كوميديا أكتر من الورق بصراحة بتاعة الفيلم، هو كوميدي لكن الكواليس كلها ضحك وهزار وحب للناس كلها لأن كل فنانين العمل أصدقاء برا العمل قبل منه".

وأشار أنه ليس رعب تمامًا وقال: "الرعب مش مخيف أكتر من أنه كوميدي يعني هتخض بس هضحك وهيعجب المشاهد", مؤكدًا أنه لا يفضل الرعب عموما وكشف سبب انضمامه للعمل وقال: "أنا مش بحب أعمال الرعب لكن لما لاقيت رعب كوميدي فخلاني حبيت فكرة الرعب عمومًا".

وعن سبب تسمية الفيلم بهذا الاسم قال حمدي عباس: "الخميس اللي جاي هي قعدة الفيلم، الخميس هو الفرج اللي اتحرق كل أبطال الحدوتة القديمة اللي حصلت من 80 سنة وبقوا عفاريت، وكل خميس بتحصل نفس الحدوتة بيحصل فرح وبينتهي بحريق، ولازم الخميس اللي جاي اللي هو آخر خميس تتحل العقدة دي والفرح يتم عشان العفاريت تمشي ويسكن مكانهم ناس طبيعيين".

فيلم الخميس اللي جاي

تدور أحداث الفيلم حول قصر يلعن سكانه في إطار رعب ممزوج بالكوميديا، يشارك في بطولته كل من عمرو عبدالجليل، مي كساب، إسلام إبراهيم، حسام داغر، محمود الليثي من تأليف ورشة كتابة تضم هيباتيا ونور حمدي ونور مهرجان وعمرو شاهين ومحمد على، ومن إخراج حسن صالح.