غادة عبد الرازق: بعتذر لبنتي لأني قصرت في حقها.. والغوايش اللي كنت لابساها في الحاج متولي دهب حقيقي

حرصت الفنانة غادة عبد الرازق على توجيه رسالة اعتذار لابنتها روتانا، خلال لقاء لها ببرنامج معكم منى الشاذلي، المذاع عبر شاشة تلفزيون قناة أون.

تحيا مصر يرصد تفاصيل تصريحات غادة عبد الرازق في معكم منى الشاذلي

وقالت غادة عبد الرازق: هعتذر لروتانا بنتي لأني في الأول مكنتش الأم المثالية اللي هي كان نفسها تشوفها.. دا تقصير مني ولكن غصب عني لأني اهتميت بالشغل عشان اوفرلك حاجات كتيرة أوي.. وكان نفسي أحضنها أكتر وهي صغيرة.

غادة عبد الرازق ومسلسل الحاج متولي

وفي اللقاء ذاته، تحدثت غادة عبد الرازق عن تجربتها في مسلسل عائلة الحاج متولي، فقالت: يسرية أختي قالتلي لو عملتي دور نعمة الله في الحاج متولي مش هتقوملك قومة.. والغوايش اللي كنت لابساها كانت دهب حقيقي بتاع مامتي.

وتابعت: حياتي بعد الحاج متولي اتغيرت 180 درجة.. وهو بيتعرض كنا لسه بنصور وأهلي كلهم كانوا مش متخيلين وكانوا بيقولولي عملتي دا ازاي.. ومكانتش شخصيتي خالص.

غادة عبد الرازق: الجواز كان وسيلة أني اتحرر

وفي الحلقة ذاتها، نانة غادة عبد الرازق عن السبب وراء زواجها في سن مبكر، وقالت: كان عقدتي أني نفسي أخرج، كنت بشوف يسرية أختي عشان مخطوبة بتخرج، فكنت هموت عايزة أخرج، كنت تربية منغلقة وحتى بعد ما بابا اتوفى لما كان عندي 12 سنة، فاتجوزت عشان حبيت وعشان أخرج، الجواز كان وسيلة أني اتحرر، واتجوزت شبه صالونات.

وتابعت: أول خبطة لأمي أني قولتلها أنا هطلق من بابا روتانا، وبعدها أغمى عليها، وبعد ما حصل الانفصال جات حكاية التمثيل، وكان الانفصال سلس، وأبو روتانا كان راجل في منتهى الاحترام، وقالي مش أنا اللي أحرم أم من بنتها.

واضافت: وكنت عايزة أبقى مشهورة، وروحت قولت لأمي هغني، قالتلي هتغني في الكباريهات ؟!، ومكنتش بحلم أكون ممثلة في الأول.

غادة عبد الرازق تتألق في تلت التلاتة

يذكر، أنه تألقت الفنانة غادة عبد الرازق في الموسم الرمضاني المنقضي بـ مسلسل “تلت التلاتة”، الذي عرض في النصف الثاني من الموسم ودارت أحداثه في 15 حلقة فقط، وتفاعل معه الجمهور في أول يوم من عرضه، ويعد مسلسل تلت التلاتة من بطولة غادة عبد الرازق إلى جانب مصطفى درويش، ليلى أحمد زاهر، محمد القس، صلاح عبدالله أحمد مجدي، مي سليم محمد القس وعدد آخر من الفنانين، وهو من تأليف هبة الحسيني، وإخراج حسن صالح، وتم عرضه على شاشة قناة النهار.

ودرات أحداث العمل في إطار درام حيث يتناول العمل قصة ثلاث أخوات توأم تعمل كل منهن في مهنة مختلفة، وتدور بينهن العديد من الأحداث المثيرة، وكانت نهاية العمل غامضة للغاية وغير متوقعة للجمهور وحققت نجاحا كبيرا.