رباب ممتاز: محمد السبكي مردش عليا علشان الكلام صحيح.. وكان في شهود عيان للحدث

تحدثت الفنانة رباب ممتاز، عن عدم رد المنتج محمد السبكي عليها بسبب واقعة الملابس المكشوفة خلال العمل الذي جمعهم معًا.

تحيا مصر يرصد تفاصيل تصريحات رباب ممتاز في زووم ونص

تصريحات رباب ممتاز في زووم ونص

وعلقت رباب ممتاز على عدم رد المنتج محمد السبكي عليها بعد آخر تصريحاتها خلال حوارها مع المذيعة نورهان عبدالفتاح، في برنامج زووم ونص، المذاع عبر قناة هي، وعلقت: هو مردش علشان هي دي الحقيقة وكانت بوجود الناس كلها مثل الإخراج والإنتاج، ومن بينهم أستاذ سامح عبدالعزيز، موجود وشاهد وأنا لسه مخلصه معاه فيلم كتف قانوني، وكنت عامله معاه شغل قبل كده والإنتاج  كان موجود وباسم سمره، أيضًا كلهم موجودين وكانوا وقت الحدث.

وتابعت:  في ناس طالعه بتقول أي اللي هو كان عايزني أخلعه في  هدومي هو كان اللبس اللي أنا لبساه مقفول للشخصية والمفروض الشخصيه أصًلا مش بتخلع هدومها ولا بتفتح  أي حاجه من لبسها يعني  شخصية "سماح "دي الوحيدة  اللي كانت في الفليم مش بتتعرى.

وأردفت: بمعني أوضح إحنا إختلفنا بطريقته اللي هو  معروف بيها دائمًا وكان في فجاجة  فـي الإسلوب وطريقه الحوار مش لذيذة وهو  مردش علشان دي حقيقه وانا مشيت فعلاً وسيبت الفيلم.

تصريحات رباب ممتاز عن السينما النظيفة

وفي الحلقة ذاتها، تحدثت الفنانة رباب ممتاز عن عدم وجود سينما نضيفة في الدراما، معلقة يعني ازاي يبقى في سينما نضيفة في الدراما.

وقالت: يعني إي يبقى في مصطلح سينما نضيفة هذا المعنى مبفهموش و فين  المشكله في  السياق الدرامي لما نعمل دا لو فعلاً في حدث اغتصاب في المشهد و لو واحد بيغتصب واحدة هنعمل  المشهد ازاي.

وأضافت: يعني واحد لازم يغتصب واحدة في المشهد  والمشهد يعتقدن كده هنقدم المشهد ازاي وهو أكيد مش هيغتصبها بجد ومش منطقي طبعاً إن لابد يبقى في سينما نضيفة ، ومفيش الكلام دا هو علشان يعني مبقاش فـي سينما  كتير بتقدم.