رباب ممتاز: رفضت فيلم الممر بسبب بدلة الرقص.. وبحب أدوار بنت البلد الشعبية

تحدثت الفنانة رباب ممتاز عن خوفها من الخوض في تجربة فيلم الممر بسبب العري مشيرة إلا أنها أخطأت الفكرة.

تحيا مصر يرصد تفاصيل تصريحات رباب ممتاز في زووم ونص

تصريحات رباب ممتاز في زووم ونص

وقالت رباب ممتاز خلال حوارها مع المذيعة نورهان عبدالفتاح، في برنامج زووم ونص قناة هي: في ناس من الشعب بتركز على العري وأنا كنت فاكره إن الأستاذ شريف عرفة هيطلعني متعرية.

وتابعت: وهو معملش إسترس على العري عمل على الرقاصة مع أحمد رزق ف الكابرية، بمشهد درامي أنا اللي أخطأت الفكرة وقولت ممكن يبقى في إسترس على البدلة وإحنا عندنا حاليًا ممكن يكون الشعب اتغير معتقداته بقا يشوف الحاجات بمنظور مختلف.

أدوار رباب ممتاز

وعلقت:عندما سألت إتقالي انتي مع أستاذ شريف عرفة مش هيعمل فيكي كده ولا هيخرجك عريانة بس أنا بصراحة خفت ومقدرتش وندمت طبعا يمكن دي الحاجة اللي ندمت عليها.

وتابعت: خفت الناس تقول عني ممثلة ولا رقاصة..بختار جميع أدواري بعناية ومبحبش أغير  المخرجين اللي اشتغلت معاهم بجانب شركة الإنتاج أيضًا نفس الكلام.

وتابعت رباب ممتاز عن السبب الرئيسي في نجاحها: أستاذ محمد عبدالعزيز هو السبب بعد ربنا فـي  اني بشتغل ولما  شافني فـي  المسرح القومي، خدني معاه وقدمت معاه أعمال كثيرة لحد إسماعيل ياسين وبعتبر إن هو السبب بعد ربنا يعني بعد كده بدأت أشتغل مع كل المخرجين.

رباب ممتاز: بحب أجسد بنت البلد الشعبية

وعن الأدوار التي تفضلها رباب ممتاز: معنديش مقياس معين بس أنا بحب الأدوار تكون شخصية بنت البلد الشعبية.

وتابعت: في ناس كتير  بتنصحني بالخروج من هذه الشخصية، بس أنا  بحبها وجيت أخرج منها وللأسف  مكنش عاجبني يعني أه قدمت بطولة  أولاد عابد أنا والفنانة إنتصار وأستاذ راضي الخولي وكنت عامله شخصية جوهرة بنت يتيمه يعني وكان العمل 30 حلقة، وكان دور مهم جدًا من وقت عرضه، على شاشة إم بي سي مصر و محستش نفسي إني أنفع للشخصية وأقدم دور الضعيفة.

وأضافت: إنتصار طول الوقت واحنا فـي الكواليس تبص ليا وتقولي مش لايق عليكي دور المسكينة.