محمد حسني: بقدم دور أمين في الخميس اللي جاي.. والجمهور مطالب يعرف لغز الاسم ده

يشارك الفنان محمد حسني في فيلم الخمس اللي جاي، ومن المقرر طرحه الأيام المقبلة في دور العرض، لفنان عمرو عبدالجليل، وذلك بعد تألقه في مسلسل الكبير الذي قام بشخصية مأمور المزاريطة ومشاركته في مسلسل الجماعة، وكشف لـ موقع تحيا مصر كواليس فيلم اللي جاي، وعن شخصيته التي يجسدها، وعن علاقته بالفنان عمرو عبدالجليل

تحيا مصر يرصد لكم أبرز تصريحات محمد حسني عن كواليس فيلم الخميس اللي جاي ودوره به

محمد حسني: بقدم دور أمين وهو شخصية تاريخية مع محمد عبدالعظيم  

كشف الفنان محمد حسني عن شخصيته في فيلمه الجديد الخميس اللي جاي لـ الفنان عمرو عبدالجليل، وقال في تصريحات خاصة لـ تحيا مصر: "عامل شخصية أمين وهو شخصية تاريخية شويه مع الأستاذ محمد عبدالعظيم أوقات كتيرة كان هو البواب والسفراجي والطباخ بتاعه وهو الجنايني، وكاتم أسراره ودراعه اليمين والشمال وعلاقة طويلة جدًا وهو جزء من تاريخه الأستاذ محمد عبدالعظيم، وبنسبة كبيرة كل أبطال الفيلم متواجدين طول الوقت في نفس المشاهد بصراعاتهم وحياتهم اليومية".

أما عن كواليس فيلم الخميس اللي جاي قال محمد حسني: "الكوميديا في الكواليس خليني أقولك الضحك أثناء البروفات كان يعمل 5 أو 6 أفلام لوحده الله يكون ي عون أستاذ حسن المخرج لأنه هيبقى محتار جدًا لأن عنده كتير ضحك وتمثيل لحد ما يوصل للي هو عايزه ربنا معه".

محمد حسني: سبب تسمية الفيلم الجمهور مطلوب من الجمهور يعرفه

وقال محمد حسني عن سبب تسمية فيلم الخميس اللي جاي بهذا الاسم: "هتصدقيني لو قولت لك معرفش أنا كنت بقول دائمًا كنا سمناه الجمعة حتى الجمعة إجازة، بس الخميس الجاي ده الناس هتعرف إيه هو الخميس اللي جاي وغالبًا مطلوب من الجمهور أنه يجاوب عليه ويعرفوا الإجابة وهو له مغزى بس عشان محرقش الفيلم".

فيلم الخميس اللي جاي

انتهى تصوير فيلم الخميس اللي جاي ومن المقرر طرحه بدور العرض خلال أيام، وهو من بطولة عمرو عبدالجليل، مي كساب، إسلام إبراهيم، حسام داغر، محمود الليثي من تأليف ورشة كتابة تضم هيباتيا ونور حمدي ونور مهرجان وعمرو شاهين ومحمد على، ومن إخراج حسن صالح.