أحمد فهمي يجبر هنا الزاهد بعد الزواج على تغيير انتمائها.. والسبب صادم

كشفت الفنانة المصرية هنا الزاهد عن تغيير انتمائها الرياضي بعد ضغط من زوجها الفنان أحمد فهمي الذي يشجع بشدة النادي الأهلي.

تحيا مصر يرصد إجبار أحمد فهمي لزوجته هنا على تغيير انتمائها الكروي. 

إجبار أحمد فهمي لزوجته هنا على تغيير انتمائها الكروي

وأوضحت هنا الزاهد عن سر تشجيعها للنادي الأهلي بعد فترة طويلة من تشجيعها لنادي الزمالك، مؤكدة أن زوجها الفنان أحمد فهمي وراء ذلك التغيير.

هنا الزاهد ضيفة برنامج الحكاية

وقالت خلال استضافتها ببرنامج الإعلامي عمرو أديب "الحكاية" المذاع على قناة "mbc مصر": "أحمد خلاني أهلاوية بالعافية، وبعدين مبقتش أشجع الكورة". 

تصريحات هنا الزاهد 

وأضافت: "قولت همشي أموري خلاص كده كده مليش في الكورة أوي، ومعرفش غير كام لعّيب". 

وأوضحت أنا كنت زملكاوية وأحمد فهمي خلاني أهلاوية بالعافية، قالي مينفعش تبقى زملكاوية مينفعش قدام الناس تقولي إنك زملكاوية وتكسفيني عشان الناس عارفة إني أهلاوي جدا.

وتطرقت بحديثها عن شهر العسل، فقالت: شهر العسل باظ وكان أوحش حاجة حصلتلي، ووصلت فيه لـ 47 كيلو وجالي حصاوي على المرارة وكنت تعبانة جدا، بس خلاص هو قضاء وقدر.

وتحدثت هنا الزاهد عن شعرها، فقالت: مش بعمل شعري خالص معظم الوقت مش بعمله وفي شغلي أغلب الوقت بلبس باروكة لأني بخاف على شعري أوي إنه يبوظ أو يقع، وشعري في الحقيقة كيرلي ولو طلعت بيه كيرلي مش هيبقى حلو هيبقى كارثة، وبشيل هم إني أروح البحر عشان بيبقى مش ألطف حاجة بيبقى عامل زي علي ربيع لما بينشف، وفهمي بيشوفه وبيحبه عادي.

وعن أحمد السعدني، قالت هنا الزاهد: كنت فكراه في الأول رخم وكنت بشوفه في الجيم كان بيسلم عليا بطريقة غريبة كده وأرجع أقول هو دمه تقيل ولا إيه، وفي الآخر قالي أنا بحبك جدا كممثلة بس كنت مكسوف، طلع بيتكسف أوي.

وعن المشهد الذي عرضها لانتقادات كبيرة على مواقع التواصل الاجتماعي المختلفة، قالت هنا الزاهد: مشهد الشتيمة ده كان المفروض المخرج ياخده من كادر واسع فـ مكنش هيبان حركة الشفايف والناس مكنتش هتفهمها، وأنا استغربت جدا وقولت أكيد غلطة مونتاج وزعلت من السعدني وكلمته قولتله أنت بجد شتمت كده؟ قالي معرفش أنا قولت هياخدوه من كادر واسع.