أحمد سعد عن إهداء جائزته للفنان محمد رمضان: دا حبيب قلبي

علق الفنان أحمد سعد على إهدائه جائزته للفنان محمد رمضان، في مهرجان الفضائيات العربية 2023، الذي أقيم الأسبوع الماضي، وذلك خلال لقائه مع ET بالعربي.

تحيا مصر يرصد تعليق أحمد سعد على إهداء جائزته للفنان محمد رمضان. 

تعليق أحمد سعد على إهداء جائزته للفنان محمد رمضان

وقال أحمد سعد: دا حبيب قلبي، الناس دايما تحب التحدي والمنافسة، أنا شخصيا لما بشوفه بتبسط وهو بيتبسط لما بنهزر مع بعض، جت لي مكالمات في إيه بينك وبين رمضان في كل الحب بينا.

وتابع: اتبسطت أكتر من الناس بحفلاتي الأخيرة، بشكر ربنا دايمًا، لأن طول عمري بتعب وبعمل كل اللي علي، لكن ربنا كرمني، ومبحبش الناس اللي بتقول إن زادت عبقريتي وفهمي للسوق الفني عشان كدة ربنا أكرمني، أنا ربنا اختار يكرمني دلوقتي لحكمة يعلمها.

تصريحات أحمد سعد 

وأضاف حمد سعد: زمان كنت بغني أغاني صعبة وفيها طرب، دلوقتي بحب الناس تغني معايا، حاليًا مش خايف من الغرور، لأن فيه فرق بين الغرور والثقة بالنفس، وأنا بعيد كل البعد عن الغرور، بمتن بالفضل للناس اللي وقفت معايا، منهم الملحنون والشعراء هما السبب الرئيسي في نجاحي.

أحمد سعد يتألق بأغنية يا ليالي

من جانبه، تألق أحمد سعد في الحفل بأغنية يا ليالي من كلمات فلبينو، وألحان أحمد طارق يحيى، وتوزيع موسيقى أحمد طارق يحيي واسماعيل نصرت، وميكس وماستر هانى محروس، ومن إخراج أحمد عبد الواحد، وتقول كلماتها: 

يا حبيبي
خلصت معاك ألاعيبي
انت جميل و انا عيبي عيبي
بضعف قصاد الجمال الجمال
يا جماله
قلبي الصغنن ماله
شقلبت طبعه و حاله وماله
متساق وراك رحال
يا ليالي
اعذري استعجالي
ده الغالي
ع القمر و ندالي
غنالي
غنوة حبيبي و رقصت معاه
يا ليالي
الحلو فوق في العالي
و ندالي
والدنيا فرفشهالي
غنالي
غنوة حبيبي و رقصت معاه

علي بابك
واقف قتيل علي بابك
انا تحت امر جنابك مالك
فالدلع استاذ استاذ
علي بالي
ماتروحش يوم من بالي
اسمك ده بالنسبالي عالي
و حفظته صم خلاص وخلاص
يا ليالي
اعذري استعجالي

ده الغالي
ع القمر و ندالي
غنالي
غنوة حبيبي و رقصت معاه

يا حبيبي
خلصت معاك ألاعيبي
انت جميل و انا عيبي عيبي
بضعف قصاد الجمال الجمال
يا جماله
قلبي الصغنن ماله
شقلبت طبعه و حاله وماله

متساق وراك رحال
يا ليالي
اعذري استعجالي
ده الغالي
ع القمر و ندالي
غنالي