مايان السيد: أول ما شوفت يسرا كنت مخضوضة.. وعنبة كوميديان بالفطرة

كشفت الفنانة مايان السيد عن تفاصيل تعاونها مع النجمة يسرا في مسلسل حرب أهلية، ومسلسل 1000 حمد الله على السلامة.

تحيا مصر يرصد تفاصيل تصريحات مايان السيد في صاحبة السعادة

تصريحات مايان السيد في صاحبة السعادة

وقالت مايان السيد خلال لقاء له ببرنامج صاحبة السعادة مع الإعلامية إسعاد يونس: من سنتين أول مرة أشوف فيها يسرا كنت مخضوضة، وبعدين شوية شوية الموضوع هدي، وخلاص خدت عليها، والسنادي بقيت واخدة عليها وبعتبرها حد من العيلة وبنهزر، وبروح أقعد على حجرها واحضنها.

وتابعت: أصعب حاجة في المسلسل كان الكوميدي، أول مرة أعمل كوميدي فكان تحدي كبير، والكوميديانات اللي معانا كانوا بيساعدونا، وعنبة كوميديان بالفطرة.

رد مايان السيد على الانتقادات

وسبق وأن حرصت الفنانة الشابة مايان السيد الرد على الانتقادات التي تعرضت لها مؤخرًا بسبب أدائها التمثيلي في مسلسل 1000 حمد الله على السلامة مع النجمة يسرا.

حيث قالت مايان خلال مقطع فيديو لها عبر حسابها الشخصي على موقع تبادل الصور والفيديوهات إنستجرام: أنا قررت السنة دي، إن ليه ماجربش وليه مالعبش وأنا كنت حابة إن أنا أعمل ده وأني أخد ريسك وأجرب أعمل حاجة جديدة بعيدة عني شوية.

وتابعت: ممكن يكون ناس كتير شافوا إن دمي مش خفيف مثلًا أو إن أنا مش لايق عليا الكوميدي، وده من حقكم إن يبقي ليكم رأي وأنكم تعبروا عن الرأي ده طبعًا وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقي أحسن لأن أنا لسه بتطور ولسه مش بعتبر نفسي إن أنا خلاص بقيت فنانة أنا لسه بكبر ولسه بتعلم من الاساتذه اللي أنا بشتغل معاهم.

مايان السيد وأعمالها السينمائية

من ناحية أخرى، عرض لـ مايان السيد مؤخرا في السينمات المصرية فيلم هاشتاج جوزني من بطولة كلا من النجوم أمير المصري، مايان السيد، ريهام الشنواني، صابرين، بيومي فؤاد، إسلام إبراهيم، ويشارك في العمل أيضا المطرب أبو والمطرب أحمد سعد، ودرات قصة العمل حول فارس، الذي يجسده الفنان أمير المصرى شاب يعيش قصة حب مع مايان السيد، ويواجهان العديد من الصعوبات حتى يتم التخلص منها وإتمام الزواج في نهاية الأحداث، وتدور القصة في إطار رومانسي كوميدي.