الليلة.. مصطفى قمر يحيي حفلًا غنائيًا في دمنهور بمناسبة احتفالات أكتوبر

يستعد الفنان مصطفى قمر لإحياء حفلا غنائيًا اليوم الإثنين الموافق 2 أكتوبر في دمهنور بمناسبة احتفالات أكتوبر، ومن المتوقع أن يحقق نجاح واسع.

تحيا مصر يرصد تفاصيل حفل مصطفى قمر في دمنهور.

تفاصيل حفل مصطفى قمر في دمنهور

على الصعيد الآخر، قال مصطفى قمر عن انتقاد طارق الشناوي له: بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟

تعليق مصطفى قمر على انتقاد طارق الشناوي 

وتابع: هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده.

واستطرد: هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك.

وأضاف قمر: باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي.

واستكمل: من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن.

أزمة مصطفى قمر وطارق الشناوي

وسبق وقال طارق الشناوي خلال لقاء له ببرنامج ET بالعربي عن رأيه في فيلم أولاد حريم كريم: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.