مي كساب تطرح أغنية جديدة بعنوان حضن أبويا.. تعرف على كلماتها

طرحت الفنانة مي كساب أغنية جديدة لها بعنوان حضن أبويا، عبر قناتها الرسمية على موقع الفيديوهات العالمي يوتيوب.

تحيا مصر يرصد تفاصيل طرح أغنية حضن أبويا

أغنية حضن أبويا

وجاءت أغنية  حضن أبويا من كلمات محمود عبد الله، ألحان: محمدي، توزيع: أحمد أمين، وتقول كلماتها: بعد ابويا ما راح بعاني واللي طبطب أو واساني برضه كتّر خيره يُشكر بس مهما الكل خدني جوه حضنه أو سندني جنب ابويا شئ لا يُذكر كل حاجه عملها ليّا مستحيل حيروح أثرها مين يعوض قلب نبضُه أو عيون فقدت بصرها مين ف ضيقتي دعالي قده ربنا معايا سترها رحلتي ف الدنيا بعده ربنا يهوّن سفرها لما كان بيشوف همومي يبقي أقرب من هدومي و بدُعاه النور يقيدلي حُضن ابويا كان أماني ياما شال عني وحماني والدُعا الطيب قاعدلي.

مي كساب: بموت الأب حسيت أني من غير غطا

وسبق وأن كشفت الفنانة مي كساب عن معاناتها مع فقدان الأب والأم، مشيرة إلى موعد طرح أغنيتها الجديدة حضن أبويا، وذلك من خلال منشور عبر حسابها الشخصي على موقع التواصل الاجتماعي فيسبوك.

وكتبت مي كساب: بموت الأم بيروح طعم الحياة أمي ماتت كنت وقتها لوحدي ومحتاجة جدا لحضن بعد حضن أمي، ربنا عوضني بعدها بزوج صالح وأولاد الله يعينا علي تربيتهم بموت الأب بتحس فجأة أنك تايه وحيد من غير غطا اللي زيي عنده أولاد هيكتم مش هيعرف يقع ولا ينهار عشان هو الحضن لكل اللي حواليه.. ربنا عالم حضن أبويا كان أماني  الله يرحمه ويمتعه في الجنة مع أمي ومع كل الصالحين.

مي كساب: أغنيتي حضن أبويا غالية جدا على قلبي

وتابعت: أغنيتي حضن أبويا غالية جدا على قلبي يمكن عرفت أفرغ جزء بسيط من اللي جوايا من مشاعر أغنيه هتمس كل قلب فقد حضن الامان والحمايه ربنا يصبرنا علي فراقهم ويحعلنا أولاد صالحين ندعيلهم ونعملهم طول الوقت صدقات جمهوري  عيلتي التانيه حبيت أشاركم مشاعري وأتمني الأغنيه تعجبكم معادنا بكره الاتنين الساعه ٦  مساءا بإذن الله  علي كل المنصات.