هنا الزاهد: طالما اخترت تكون ممثل لازم تستقبل كل اللي بيتقال عليك.. وبتأثر بالتعليقات السلبية

حلت الفنانة هنا الزاهد ضيفة على برنامج الحكاية والذي تم عرضه على شاشة قناة mbc مصر ويقدمه الإعلامي عمرو أديب، والذي كشفت من خلاله عن رأيها في الانتقادات التي توجه لبعض نجوم الفن.

تحيا مصر يرصد في ذلك التقرير تصريحات هنا الزاهد في برنامج الحكاية

هنا الزاهد: بتأثر بالتعليقات السلبية وساعات بدخل للي بيشتموني أقولهم ليه بتقولوا عليا كدة

وقالت هنا الزاهد خلال البرنامج: طالما اخترت تكون ممثل يبقى تستقبل اي حاجة تتقال عليك وانا وبحب حياتي الشخصية تبقى لوحدها وشغلي لوحده،وانا  بتأثر بالتعليقات السلبية جدا ولما بقرأ حاجة بتضايق عشان أنا إنسانة، ولما بلاقي كومنت وحش بتأثر جدا وبقول لـ أحمد وممكن أبعت للشخص برايفت أقوله ليه كتبت كده، ويقولولي أصل كنا عايزينك تردي علينا. 

هنا الزاهد: أنا لسة طفلة بكتشف الدنيا 

وكشفت هنا الزاهد عن عمرها الحقيقي، فقالت: أنا عندي 29 سنة ومش عايزة أوصل التلاتين عايزة أقف عنده، وموضوع إني صغيرة ده بيأثر عليا في الشغل وبنبهر بحاجات في الشغل الناس مش بتنبهر بيها ومثلا أحمد عنده 43 فبلاقيه مش بينبهر بيها، فـ أنا لسه طفلة بكتشف الدنيا فبشوف حاجات مشوفتهاش قبل كده.

هنا الزاهد في حالة نشاط فني 

ويذكر، أن هنا الزاهد قد شاركت في فيلم مستر إكس والذي تعاونت فيه مع زوجها الفنان أحمد فهمي لأول مرة، وشارك في بطولة العمل أيضا كلا من النجوم محمد أسامة الشهير بـ أوس أوس، بيومي فؤاد، صبري فواز، محمد أنور، عمرو يوسف، مصطفى خاطر، ومن من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب.

وعرض لها أيضا مسلسل سيب وأنا أسيب والتي دارت أحداثه حول مصممة موضة وأزياء وناشطة على السوشال ميديا، تجد نفسها مضطرة للعودة على وجه السرعة إلى مسقط رأسها الإسكندرية مع الفنان الذي ارتبطت به، وتحاول تغطية الأكاذيب التي أخبرته بها وذلك في إطار اجتماعي كوميدي.