اسراء العدل للراحل أحمد سامي العدل: هتوحشنا يا أطيب واحد بعد أبوك

حرصت اسراء العدل على توجيه رسالة مؤثرة للمخرج الراحل أحمد سامي العدل، الذي وافته المنية في صباح يوم السبت الموافق  30 من شهر سبتمبر الجاري بعد تعرضه لأزمة مرضية.

تحيا مصر يرصد في ذلك التقرير تصريحات اسراء العدل للمخرج أحمد سامي العدل 

اسراء العدل عن أحمد سامي العدل: مفيش اتنين اختلفوا عليك 

وكتبت اسراء العدل على حسابها الرسمي بموقع التواصل الاجتماعي فيسبوك: هتوحشنا يا حبيبي، يا أطيب وأحن واحد بعد ابوك، ياللي مافيش اتنين اختلفوا عليك وعلى جمال قلبك.

وتابعت حديثها بالدعاء له، فقالت: يا رب ارحمه واغفرله وثبته عند السؤال وآنس وحشته وارحم غربته وادخله الجنة من غير حساب ولا سابقة عذاب مع النبيين والصديقين والشهداء والصالحين وحسن أولئك رفيق.

شقيقة أحمد سامي العدل تكشف اللحظات الأخيرة في حياته 

وكانت قد كشفت رشا العدل شقيقة أحمد سامي العدل عن اللحظات الأخيرة في حياته، فقالت: قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير".

وتابعت رشا قائلة: "رجع القاهرة على وعد بلقاء قريب نتجمع فيه تاني، و جيه اللقاء بعد مكالمة تليفون ألحقي أخوكي تعبان في المستشفي جريت عليه لاقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية وأسيبه يرتاح شوية".

شقيقة أحمد العدل: قلبي وجعني عليه 

واستكملت حديثها عن لحظات أحمد الأخيرة وقالت: "في عز محاولاتي نقله لمستشفي تانية فقد نبض قلبه لثواني قدامي اتخضيت، الدكاترة طمنوني وقالوا مفيش حاجة أهو زي الفل بس قلبي وجعني، ولاقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسه هخرج أشوف موضوع الإسعاف ونقله لاقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات، وأنا واقفة قدامه قلبي بيتقطع وروحي أنا بتطلع مني ماسكة في خيط امل من الدخان اتقطع بـ آخر نفس منه وراح أحمد ، أخويا الصغير الطيب الحنين الهادي".