إلهام شاهين: اللي هاجمهوا مسلسل الفريدو خدوا مقلب واعتذروا بعد قلة الأدب

أوضحت الفنانة المصرية إلهام شاهين أن مهاجمي مسلسلها الأخير الذي يحمل اسم الفريدو خرجوا ليعتذروا عما بدر منهم بعد اكتشاف قصة العمل.

تحيا مصر يرصد  اعتذار مهاجمي مسلسل الفريدو للفنانة إلهام شاهين. 

اعتذار مهاجمي مسلسل الفريدو للفنانة إلهام شاهين

وقالت شاهين في تصريح خاص لموقع تحيا مصر عن مهاجمي عملها: خدوا مقلب بعد كل قلة الأدب وبدأوا يعتذروا لما اكتشفوا أن القصة مش زي ما هم فاكرين وبدأوا يقولوا طيب احنا بنهاجمها على ايه.. وكل الهجوم تحول لإشادة كبيرة لأن الموضوع إنساني.

رأي إلهام شاهين في الدراما

وسبق وأضافت إلهام شاهين في تصريحات خاصة لـ موقع تحيا مصر: الدراما في تطور ولكن عندا افتقار في الموضوعات لازلت بفتقد أسماء كتير من الكتاب الكبار واتمنى الفترة الجاية يبقى فيه موضوعات مهمة وقوية ويمكن عشان اشتغلت مع اسامة أنور عكاشة ووحيد حامد ومحسن زايد، ومحمد جلال عبد القوي وأسماء على مستوى عالي من الدراما فبتفقدهم جدا وبفتقد عمق الموضوعات المهمة والتنوع وإن شاءالله يكون في شباب أقوية وانا دايما متفائلة ان القادم أحسن. 

مشاركة إلهام شاهين في مهرجان القاهرة للدراما 

من جانبه، أعربت إلهام شاهين عن حماسها من المشاركة في مهرجان القاهرة للدراما بدورته الثانية، فقالت: متحمسة لأن أما يبقى مهرجان عليه اسم الدكتور يحيى الفخراني أهم نجم في الدراما المصرية يبقى شيء محترم، واللي بتنظمه النقابة برئاسة الدكتور أشرف زكي فأنا بتعامل مع ناس رائعة، وبحترمه جدا، ولجنة التحكيم أنا سعيدة إن انا واحدة منهم معايا كريم عبد العزيز والمخرج جمال عبد الحميد، والكاتب عبدالرحيم كمال والناقد طارق الشناويمجموعة كلها على مستوى عالي جدا واختيارات هايلة، و مبسوطة إن هيتعمل في العلمين لان المهرجانات الفنية زي ما هي دعاية للفن والثقافة هي أيضا دعاية سياحية رائعة، والعلمين دي من أجمل الشواطيء وتستحق الاهتمام مننا جميعا، وهتبقى مستفبلا من أهم منطقة في الساحل الشمالي واكيد كلنا سعداء بالانجازات اللي بتحصل والتغيير اللي بيحصل في البلد وكل يوم بنشوف حاجات أجمل وبلدنا بتبقى أجمل ومشجعة جدا ان المهرجان يتعمل هنا في الساحل.