نشرة أخبار الفن: وفاة نجل سامي العدل.. ركين سعد تمتن لمصر.. ولهذا السبب هيدي كرم تشن هجوم على جمهورها

شهدت الساحة الفنية ، اليوم السيت الموافق 30 سبتمبر، العديد من الأنباء الهامة والأحداث الفنية المشوقة واللافتة للإنتباه، وفي هذا الإطار يستعرض تحيا مصر أحداث فنية في إنتظارك.

ركين سعد عن مصر: البلد دي احتضنتي وحبتني وأدتني فرصة

فجرت الفنانة الأردنية ركين سعد، عدة تصريحات عن إقامتها في مصر و كواليس مشاركتها في مسلسل سفاح الجيزة وذلك في لقائها مع الإعلامي معتز الدمرداش في برنامج ضيفي على قناة الشرق.

وقالت سعد: أنا مقيمة في مصر من عامين.. أول مرة جيت مصر عام 2017 في مسلسل واحة الغروب، ورجعت تاني في 2021 يعني بقالي عامين.

وأضافت ركين سعد: الحب اللي حساه في مصر كبير، لأن البلد دي احتضتني وحبتني وأدتني فرصة وممتنة لوجودي في مصر وبعتبرها أنها بلدي التاني.

وتابعت ركين سعد: الناس على طبيعتها وبتعبر وبتتكلم من قلبها.. ومن وقت لما جيت في 2017 الناس بتحسسني أني منهم ومش غريبة عنهم ودي حاجة بتأثر فيا جدًا وشعب مصر جميل وبيحب النكتة وطيب والناس صادقة، الحاجات دي كلها بتحسس أي إنسان جاي من بره أنه جاي لبلده وأهله، ومصر فيها حياة حماسية وبلد ضخمة وعريقة والطاقة اللي فيها مختلفة جدًا.

وفاة نجل سامي العدل بشكل مفاجئ

رحل عن عالمنا اليوم السبت الموافق 30 سبتمبر، الممثل الشاب والمخرج أحمد العدل نجل الراحل سامي العدل بشكل مفاجئ.

وأعلن خالد سامي العدل، نجل الفنان الكبير الراحل سامي العدل، عن وفاة شقيقه وذلك من خلال منشور رسمي كتبه عبر حسابه الشخصي على موقع التواصل الاجتماعي "فيسبوك" قائلًا: "توفي إلى رحمة الله تعالى أخويا أحمد سامي العدل.. نسألكم الدعاء له".

هيدي كرم لمنتقدي النجوم: اتهرينا من الشتيمة والتهزيق والإرهاب على السوشيال ميديا

خرجت الفنانة هيدي كرم عن صمتها لتوجه رسالة إلى منتقدي النجوم على مواقع التواصل الاجتماعي، الذي يصل إلى حد التطاول.

وقالت هيدي كرم في مقطع فيديو نشرته عبر حسابها الرسمي  بموقع تبادل الصور والفيديوهات القصيرة إنستجرام: إحنا اتهرينا والله كمشاهير، بتكلم بصراحة بالنيابة عن مشاهير وخاصة ستات زي، اتهرينا من الشتيمة والتهزيق وقلة القيمة والإرهاب على السوشيال ميديا وإنكم بتحسسونا إننا منسواش.. واتهرينا من إننا نتشتم ونتهان ونتهزق بجد والله حقيقي ده كتير، هو مفيش من الأحمر ده مفيش شوية دم وإحساس.

وتابعت: اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية لإني بذاكر السوشيال ميديا علشان أشوف إيه اللي نافع لقيت مفيش حاجة نافعة لابسين لابسين ومتهزقين ووحشين ووحشين ومشتومين.

وأضافت: صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص.