ركين سعد عن مصر: البلد دي احتضنتي وحبتني وأدتني فرصة

فجرت الفنانة الأردنية ركين سعد، عدة تصريحات عن إقامتها في مصر و كواليس مشاركتها في مسلسل سفاح الجيزة وذلك في لقائها مع الإعلامي معتز الدمرداش في برنامج ضيفي على قناة الشرق.

تحيا مصر يرصد تصريحات ركين سعد. 

تصريحات ركين سعد

وقالت سعد: أنا مقيمة في مصر من عامين.. أول مرة جيت مصر عام 2017 في مسلسل واحة الغروب، ورجعت تاني في 2021 يعني بقالي عامين.

لقاء ركين سعد مع معتز الدمرداش

وأضافت ركين سعد: الحب اللي حساه في مصر كبير، لأن البلد دي احتضتني وحبتني وأدتني فرصة وممتنة لوجودي في مصر وبعتبرها أنها بلدي التاني.

وتابعت ركين سعد: الناس على طبيعتها وبتعبر وبتتكلم من قلبها.. ومن وقت لما جيت في 2017 الناس بتحسسني أني منهم ومش غريبة عنهم ودي حاجة بتأثر فيا جدًا وشعب مصر جميل وبيحب النكتة وطيب والناس صادقة، الحاجات دي كلها بتحسس أي إنسان جاي من بره أنه جاي لبلده وأهله، ومصر فيها حياة حماسية وبلد ضخمة وعريقة والطاقة اللي فيها مختلفة جدًا.

ركين سعد تتحدث عن مسيرتها الفنية

واستطردت: هي رحلة دايما بشوف أني لسه ما عملتش حاجة، وأنا بمثل من 2010 بشتغل وبحس أن فيه حاجات كتير عاوزة أقدمها، وهو مشوار صعب مش سهل والشخصيات كمان ساعات بتكون صعبة وظروف الشغل صعبة خاصة أن ساعات كتير مش بتكون مع عيلتك وصحابك علشان عندك تصوير وده صعب وأنا بحاول اعمل توازن بين عيلتي وشغلي لأن فكرة البعد عن أهلي وعيلتي صعبة، إلى جانب أن المهنة نفسها صعبة.

وأضافت ركين سعد: مرة كنت بعمل ورك شوب ومدربة التمثيل في كندة قالت لو عندك أي حاجة تانية وشاطرة فيها روح اعمليها لأن المهنة دي صعبة لو مش بتحبيها أوي ومش عندك شغف قوي ليها بلاش تكملي فيها لأن هي مهنة صعبة مش سهلة.