احتفالًا بالذكرى الـ 50 لنصر أكتوبر.. رامي صبري يحيي حفلًا غنائيًا أمام متحف الحضارة

تزامنًا مع احتفالات نصر 6 أكتوبر يحيي الفنان رامي صبري حفلًا غنائيًا أمام متحف الحضارة، وذلك بمناسبة مرور 50 عامًا على حرب 6 أكتوبر، ومن المقرر إقامة الحفل يوم 2 أكتوبر المقبل.

تحيا مصر يرصد لكم حفل رامي صبري احتفالًا بالذكرى الـ 50 على نصر 6 أكتوبر

رامي صبري يحتفل بمرور 50 عامًا على نصر أكتوبر

يشارك الفنان رامي صبري في احتفالات نصر أكتوبر، من خلال حفله القادم أمام متحف الحضارة، وألعن عنها عبر حسابه الشخصي بموقع تبادل الصور والفيديوهات الإنستجرام وقال: "تشرف بالغناء في حفل احتفالات مرور خمسين سنة على انتصارات حرب أكتوبر المجيد يوم 2 أكتوبر أمام متحف الحضارات.. تحيا مصر ".

رامي صبري يعتذر لطلاب جامعة الإسكندرية

ومن جانبه، كان من المقرر أن يقيم رامي صبري حفل تخرج طلاب كلية الآداب لجامعة الإسكندرية، ولكنه أعلن عن إلغاءها مشيرًا على عدم الإتفاق بينه وبين منظمي الحفل، وكشف تفاصيل الأزمة عبر حسابه الشخصي بموقع التواصل الاجتماعي الفيس بوك.

حيث قال: "جمهوري في الإسكندرية وتحديدًا طلاب كلية آداب، أولًا ألف مبروك على التخرج وربنا يوفقكم دايمًا، ثانيًا والأهم عندي لازم تعرفوا إني بحبكم جدًا جدًا وبعتذر لكم تاني لعدم وجودي معاكم في حفل تخرجكم اليوم... وأكيد مش أنا السبب".

رامي صبري عن إلغاء حفله: في سوء تنظيم كبير وعدم احترام للاتفاقات من الشركة المنظمة

وكشف عن السبب وقال: "في سوء تنظيم كبير وعدم احترام للاتفاقات اللي تمت بيننا وبين الشركة المنظمة للحفل، عشان الحفل يطلع بأحسن شكل ممكن، من حيث الصوت والمسرح والشاشات وده للأسف محصلش لحد قبل الحفلة بيومين... مفيش اهتمام أبدًا وأنا شخصيًا تدخلت وقولت إنه كده الحفلة هتتلغي، الرد كان فيه سلبية كبيرة وعدم اهتمام بالحفلة من عند الشركة المنظمة، حذرت أكتر من مرة على مدار يومين مفيش فايدة".

وفي نهاية حديثه قال رامي صبري: "بالنسبة لموضوع الاتفاقات المادية... المقابل المادي عندي مش أهم حاجة، لكنه من ضمن الاتفاقات، وتم دفع جزء من الأجر وده الطبيعي، والباقي قالوا لنا قبلها بأسبوع، وبردو محصلش حاجة لحد يوم الإلغاء اللي هو قبلها بيومين، وكل ده بالنسبة لنا إحنا كـ رامي صبري عك كبير جدًا، مرضناش نكمل فيه فتم إلغاء الحفل احترامًا لينا ولجمهورنا المحترم في الإسكندرية، حبيت أوضح عشان جالنا مواضيع كتيرة جدًا مفيش فيها 1% صح... إن شاء الله تكونوا النهاردة مبسوطين يا حبايبي بتخرجكم وربنا يوفقكم في حياتكم بمشاركة فرحتكم مع صديقي النجم الكبير حمادة هلال اللي هيكسر الدنيا معاكم".