نشرة أخبار الفن| سبب غياب كاملة أبو ذكري عن الإخراج.. اعتذار رامي صبري للجمهور.. وطرح أغنية آسف لمسار إجباري

شهدت الساحة الفنية خلال الساعات الماضية عددًا كبيرًا من الأحداث الهامة، التي تخص النجوم والنجمات، على مستوى التمثيل، والغناء أيضًا، وفي ذلك التقرير سيرصد موقع تحيا مصر في السطور الآتية تفاصيل تلك الأخبار الهامة.

سبب غياب كاملة أبو ذكري عن الإخراج

كشفت المخرجة كاملة أبو ذكري عن أسباب ابتعادها عن الإخراج في الفترة الأخيرة، وذلك خلال مداخلة هاتفية لها ببرنامج أسرار النجوم مع إنجي علي.

وقالت كاملة أبو ذكري: بقالي سنة ونصف مستمعة بوجودي جمب حفيدي، وبقى عنده سنة و5 أشهر، وبردو  بدور على فكرة تحمسني عشان أرجع ولكن مش لاقية، والشغل وحشني جدا.

طرح أغنية آسف لمسار إجباري

كما طرح فريق مسار إجباري عبر قناتهم الرسمية بموقع يوتيوب، والمنصات الموسيقية المختلفة، الأغنية الخامسة لها من ألبوم نص الحاجات، وتحمل عنوان آسف، وهى من كلمات الشاعر محمد البحيري، وغناء وألحان هاني الدقاق، وتوزيع الفرقة الموسيقية.

وتقول كلمات أغنية "آسف":..

آسف لكل اللي اعتزلته .. كل متعشم خذلته
كل باب مفتوح قفلته من غير كلام .. آسف لقلة الاهتمام
برضه آسف ع الزيادة .. آسف إني مشيت أوام
و إني مش مصدر سعادة .. آسف إني مفيش إعادة
إني أصلح حاجة بينا .. آسف إني عندي عادة
بنسى لو كان إيه ما بيننا .. آسف عشان كل امتحان أنا كنت بسقط
آسف إني لسه بغلط

الله يجازي الليل .. و القعدة وحديا
و يجازي خط الميل .. على شيء ماهوش ليا
و يجازي لف الكيف .. و يجازي إمتى و كيف
و يجازي كم الزيف .. و يجازي خطاويا

كل حته فيها حته .. لينا فيها في بعض شيء
كل بصه ما بينا  ماسكه .. كل إيد ماسكه في طريق

اعتذار رامي صبري للجمهور

وحرص المطرب رامي صبري على تقديم اعتذار لجمهوره من طلبة كلية الآداب بالإسكندرية، بعد إلغاء حفل تخرجهم، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب رامي صبري: جمهوري في الإسكندرية، وتحديدا طلاب كلية آداب أولا ألف مبروك على التخرج وربنا يوفقكم دايما.. ثانيا والأهم عندي لازم تعرفوا أني بحبكم جدا جدا، وبعتذرلكم تاني لعدم وجودي معاكم في حفل تخرجكم اليوم.. وأكيد مش أنا السبب.

وتابع: في سوء تنظيم كبير وعدم احترام الاتفاقات اللي تمت بيننا وبين الشركة المنظمة للحفل علشان الحفل يطلع بأحسن شكل ممكن من حيث الصوت والمسرح والشاشات وده للأسف محصلش لحد قبل الحفلة بيومين مفيش اهتمام ابدا وأنا شخصيا تدخلت وقولت أنه كده الحفله هتتلغي الرد كان فيه سلبية كبيرة وعدم اهتمام بالحفل من عند الشركة المنظمة حذرت أكتر من مرة على مدار يومين مفيش فايدة.