بعد إلغاء حفل تخرجهم.. رامي صبري يعتذر لطلاب كلية الآداب بالإسكندرية: مش أنا السبب

حرص المطرب رامي صبري على تقديم اعتذار لجمهوره من طلبة كلية الآداب بالإسكندرية، بعد إلغاء حفل تخرجهم، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات رامي صبري عبر فيسبوك

رامي صبري يعتذر لطلبة كلية الآداب بالإسكندرية

وكتب رامي صبري: جمهوري في الإسكندرية، وتحديدا طلاب كلية آداب أولا ألف مبروك على التخرج وربنا يوفقكم دايما.. ثانيا والأهم عندي لازم تعرفوا أني بحبكم جدا جدا، وبعتذرلكم تاني لعدم وجودي معاكم في حفل تخرجكم اليوم.. وأكيد مش أنا السبب.

وتابع: في سوء تنظيم كبير وعدم احترام الاتفاقات اللي تمت بيننا وبين الشركة المنظمة للحفل علشان الحفل يطلع بأحسن شكل ممكن من حيث الصوت والمسرح والشاشات وده للأسف محصلش لحد قبل الحفلة بيومين مفيش اهتمام ابدا وأنا شخصيا تدخلت وقولت أنه كده الحفله هتتلغي الرد كان فيه سلبية كبيرة وعدم اهتمام بالحفل من عند الشركة المنظمة حذرت أكتر من مرة على مدار يومين مفيش فايدة.

رامي صبري: المقابل المادي عندي مش أهم حاجة

واضاف: موضوع الاتفاقات المادية أنا المقابل المادي عندي مش أهم حاجة، ولكنها من ضمن الاتفاقات، تم دفع جزء من الأجر وده الطبيعي والباقي قالوا قبلها باسبوع بردو محصلش حاجة لحد يوم الإلغاء اللي هو قبلها بيومين.. كل ده بالنسبالنا احنا كا رامي صبري الحقيقة عك كبير جدا، مرضناش نكمل فيه فا تم إلغاء الحفل احتراما لينا ولجمهورنا المحترم في الإسكندرية.. حبيت أوضح علشان جالنا مواضيع كتيرى جدا مفيش ١٪؜ فيها صح.

واختتم: إن شالله تكونوا انهاردا مبسوطين يا حبايبي بتخرجكم وربنا يوفقكم في حياتكم بمشاركة فرحتكم مع النجم الكبير حماده هلال اللي هايكسر الدنيا معاكم اشوفكم قريبا.

إلغاء حفل رامي صبري في الاسكندرية

وسبق وأن أعلن الفنان رامي صبري عن إلغاء حفله الذي كان من المقرر إقامته في مدينة الإسكندرية بكلية الآداب، وذلك في يوم الخميس الموافق 28 من شهر سبتمبر الجاري، مشيرا إلى عدم التزام الشركة المنظمة للحفل بالاتفاق.

وكتب رامي صبري عبر حسابه الرسمي بموقع تبادل الصور والفيديوهات انستجرام، من خلال خاصية "ستوري": بعتذر لجمهوري في الاسكندرية لعدم حضوري حفل كلية أداب اللي كان مقرر إقامته يوم الخميس الموافق 28/9/2023 لعدم إلتزام منظم الحفلات وليد منصور بالاتفاقات بيننا لذلك قررنا إلغاء الحفل. وشكرًا.