رامي صبري: كنت بشتغل في كورال محمد الحلو وأول ما تنجح كله هيجري وراك ويسقف لك

حرص الفنان رامي صبري على مشاركة ذكرياته مع الجمهور وذلك منذ بدايته الفنية حتى الآن، مشيرًا إلى أن النجومية والشهرة لا يأتي عن طريق الحظ ولكن يأتي بالسعي والطموح.

تحيا مصر يرصد في ذلك التقرير استعادة رامي صبري ذكرياته مع الشهرة والنجومية

رامي صبري: من 23 كنت يشتغل مع محمد الحلو 

وقال رامي صبري عبر حسابه الرسمي بموقع تبادل الصور والفيديوهات انستجرام: صورة من ٢٣ سنه تقريبا الفرق بنهم كبير جدا في الصوره اللي فوق كنت بشتغل كورال مع الفنان الكبير محمد الحلو . وكنت وقتها ببتدي اشتغل علشان افهم يعني ايه مسرح وجمهور واذاي اتعامل مع الناس في الشغل . وكنت دايما عارف انها مرحلة تعليمية وهاتمشي مش هقف عندها علشان كده مكانش عندي طموح فيها . فضلت اشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه وبعدين شيرين اول ما ابتدت، وكل ده عارف ان هدفي لسه مجاش .

رامي صبري: مفيش حاجة اسمها حظ والتعب والمجهود خلاني أهم نجوم العالم

وتابع حديثه: الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتيره جدا وخلاني اكون واحد من اهم نجوم العالم العربي، لموضوع كله صدقني في الطموح  لو انت بتحب نفسك ومأمن بنفسك وعندك الاصرار انك هتوصل لمكان انت مش فيه دلوقتي، صدقني هتوصل بس تصدق نفسك ومفيش حاجه اسمها حظ دي كلمه محصلتش معايا.

رامي صبري: طموحك وحبك لنفسك هو اللي هيوصلك

مع حبي للموسيقي وطموحي وانا ماشي فيها في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الاستاذ محمد سمير . هو كمان طموحه كبير جدا وابتدي معايا في الصوره اللي فوق لحد ما بقي احد اهم موسيقين مصر وبيلعب مزيكا مع اهم نجوم عالمنا العربية ولسه مكمل معايا من ٢٣ سنه لحد الان وهو مدير فرقتي الموسيقية.

واختتم: عاوز اقول في الاخر طموحك وحبك لنفسك هايوصلك، ماترميش شماعه الظروف علي نفسك وتقول ظروفي وحظي وتدخل في مود مش هايوصلك لحاجه ،هاتوصل هاتوصل صدقني اشتغل علي نفسك اوي وحط في نفسك انك اهم واحد في العالم ولازم الناس كلها تعترف بيك . واول ما هاتنجح كله هيجري وراك ويسقف لك الفرق بين الصورتين الطموح فقط.