الرئيس السيسي عن دورات الأكاديمية العسكرية للموظفين المدنيين: بعمل صياغة للشخصية مش بعسكر الدولة

رد الرئيس عبد الفتاح السيسي، على بعض المنتقدين لحصول الموظفين المدنيين على دورات من الأكاديمية العسكرية، قائلا: "هدفي إني أعمل شخصية مش بعسكر الدولة كما يدعي من يحاول دائما أن يشوه ويسيء ويبث السموم في عقول مصر، ويحطم الأمل في قلوب الناس".

الرئيس السيسي عن دورات الأكاديمية العسكرية للموظفين المدنيين: بعمل صياغة للشخصية مش بعسكر الدولة

جاء ذلك خلال جلسة بناء الإنسان ضمن فعاليات يوم الاحتفال بتفوق جامعات مصر.

وقال "السيسي": "انتم بتقولوا إنه حصل تطور في مجتمعنا جزء منه سلبي وآخر إيجابي، وأنا عايز المعلم يكون مهاراته عامله إزاي؟ أو انتماءه عامل إزاي؟.. وأنا هنا لا  أشكك في مهارات حد أو إنتماءات حد.. لكن بساعد في تأهيله علشان يقوم بدور أنا محتاجه".

الرئيس السيسي: صندوق تحيا مصر يسهم بنصف تكلفة بناء الجامعات التكنولوجية و 50 مليون جنيها لمبادرة دعم المبتكرين

الرئيس السيسي يشهد فعاليات جلسة حكاية وطن بحضور رؤساء اتحادات طلاب الجامعات المصرية

وأوضح "أن الهدف من دورات الأكاديمية العسكرية هو بناء شخصية، مشيرًا إلى أنه مع انتشار الوسائل التكنولجية الحديثة، هناك سهر دائم لذلك أريد أن يكون المعلم له نظام من حيث طبيعة الاستيقاظ مبكرًا والبنيان الجسدي، لذلك يحصل على دورة الأكاديمية العسكرية لمدة 6 أشهر، يستيقظ الساعة الخامسة صباحا، ويمارس الرياضة بشكل منتظم".

الرئيس السيسي: لو أقدر أعمم دورات الأكاديمية العسكرية هعمل كده

وأكد الرئيس عبد الفتاح السيسي: "أنا بحطه في إطار عام مش بدخل في التخصص ولو أعرف أعمل كل ده في كل أجهزة الدولة هعمله، لأن الكلام اللي هيقولوه هيرسخ في عقول ولادنا، لذلك محتاج أطمن إننا عندنا شخصية، ولو حد عنده أفكار تانية يقولي عليها وهنعملها".

وتابع: "وأنا بتكلم عمري ما خبيت حاجه، لأنها مش معمولة من غير فكرة، ده وراها فكرة وهنشوف نتيجة الفكرة وهل نجحنا فيه ولا لأ".

وأردف: "نحاول نحسن أكثر ونطور أكثر في ظل موارد مش موجودة، لذلك بيقع علينا دور للتأهيل والتدريب، وهي عملية لا تنتهي".