مصطفى قمر يفتتح فيلم أولاد حريم كريم اليوم في الإمارات العربية

وجه الفنان مصطفى قمر، رسالة إلى جمهور الإمارات قبل انطلاق أولى جولات فيلم أولاد حريم كريم في الوطن العربي، تحديدًا في دولة الإمارات العربية.

تحيا مصر يرصد رسالة مصطفى قمر إلى جمهور الإمارات. 

رسالة مصطفى قمر إلى جمهور الإمارات

ونشر مصطفى قمر صورة تجمعه بأبطال فيلم أولاد حريم كريم، عبر حسابه الرسمي بموقع تبادل الصور والفيديوهات القصيرة انستجرام، وعلق قائلًا: إلي جمهور الإمارات الحبيب.. ميعادنا النهاردة في دبي لافتتاح فيلم أولاد حريم كريم، واستكمالا لمسيرة نجاح الفيلم، انتظروني اليوم مع أبطال الفيلم.

أزمة مصطفى قمر وطارق الشناوي 

من جانبه، قال مصطفى قمر عن انتقاد طارق الشناوي له: بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟

وتابع: هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده.

تصريحات مصطفى قمر 

واستطرد: هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك.

وأضاف قمر: باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي.

واستكمل: من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن.

فيما قال طارق الشناوي خلال لقاء له ببرنامج ET بالعربي عن رأيه في فيلم أولاد حريم كريم: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.