أكرم حسني ينهي خلافه مع حمو بيكا: طيب وعلى نياته

أعلن الفنان أكرم حسني انتهاء خلافه مع مؤدى المهرجانات حمو بيكا والذي نشب بسبب أغنيه بالباقي لبان.

تحيا مصر يرصد إنهاء أزمة حمو بيكا وأكرم حسني.

إنهاء أزمة حمو بيكا وأكرم حسني

وقال اكرم حسني لقناة العربية :" خلافي مع حمو بيكا انتهي و لم ارفع دعوى قضائيه لأنني وجدته طيب وعلى نياته".

لقاء أكرم حسني مع معتز الدمرداش

من جانبه، قال أكرم حسني، في لقائه مع الإعلامي معتز الدمرداش، في برنامجه ضيفي: محمد صلاح حريص في كل رمضان إنه يختار مسلسلين يتفرج عليهم وأعتقد بيبقى فيهم واحد كوميدي، ولاقيته باعتلي على إنستجرام بيقولي أقسم بالله أنت عالمي على مسلسل مكتوب عليا، قولتله لما أنا عالمي أنت تبقى إيه.

تصريحات أكرم حسني

وعن تفاصيل تعاونه مع الكينج محمد منير أغنية للي، قائلًا: الكينج هو صديق شخصي من 2013 وكان مشجع جدًا ليا من وأنا بقدم أبو حفيظة، وفي مرة طلب مني أكتب له أغنية وحاولت أشتغل فيها ولكن متوفقتش، والموضوع شاله من دماغه، ولكن كان بيزن في دماغي لغاية ما جه وقت جاتلي فكرة للي، وبعتله قولتله فاكر الطلب بتاع زمان وأتمنى تعجبك، واتكتب في الـ CV بتاعي إني اشتغلت مع واحد من عمالقة الفن المصري اسمه محمد منير.

بينما عن تفاصيل اكتشافه موهبة تأليف الأغاني، فعلق أكرم حسني قائلًا: أنا فخور بكل حاجة عملتها بشكل منفرد، وأنا بحب الموهبة اللي ربنا مديهاني وبحب أوظفها بحيث الناس تتبسط وأنا اتبسط، ومببخلش على نفسي ولا على حد فكرة أن لو في حاجاة أقدر أقدمها إني مش هعملها علشان ميتقالش ده بيعمل كل حاجة.

وأضاف: في وقت من الأوقات مكنتش مكتشف إني بعرف أكتب كلمات أغاني كويس، أنا كنت بعمل ده في نطاق العائلة والأصدقاء، لغاية ما اكتشفت أن هذه الملكة موجودة طيب ليه موظفهاش؟ فبدأت وتطورت من الأغاني الكوميدي الساخر في أبو حفيظة، الأول كنت بعمل محاكاة لأغاني كنت باخد حقوق استغلال ألحان وأكتب عليها كلام، بعد كده بقيت بكتب الكلام من أوله لآخره وبلحنه أو بجيب ملحن، أقصد أن صناعة كتابة الأغاني تطورت عندي.