أنا ضد أي تطاول.. تعليق إيمي طلعت زكريا على أزمة مصطفى قمر وطارق الشناوي

كشفت الفنانة الشابة إيمي طلعت زكريا عن رأيها في الأزمة التي وقعت بين الفنان مصطفى قمر والناقد طارق الشناوي بسبب فيلم أولاد حريم كريم.

تحيا مصر يرصد رأي إيمي طلعت زكريا في أزمة طارق الشناوي ومصطفى قمر. 

رأي إيمي طلعت زكريا في أزمة طارق الشناوي ومصطفى قمر

وقالت إيمي طلعت زكريا في تصريح خاص لموقع تحيا مصر: مشوفتش الفيلم لكن ببارك لكل الكاست اللي في العمل.. وأي تطاول أنا ضده سواء من مصطفى قمر أو طارق الشناوي وأنت كممثل المفروض تتقبل النقد في حدود الأدب.. طارق الشناوي صديق عندي على الفيسبوك وبشوفه حد محترم ومصطفى قمر كان صديق لوالدي.

أبطال فيلم أولاد حريم كريم

وفيلم "أولاد حريم كريم" بطولة مصطفى قمر، بسمة، داليا البحيري، علا غانم، خالد سرحان، عمرو عبد الجليل، تيام مصطفى قمر، رنا رئيس، وهنا داود وعدد من الوجوه الجديدة، وتأليف زينب عزيز وإخراج علي إدريس.

قصة فيلم أولاد حريم كريم

والفيلم يعد الجزء الثاني من فيلم حريم كريم الذي عُرض في 2005، وتكشف الأحداث تطورات في حياة البطل كريم الذي يلعب دوره مصطفى قمر بعد مرور كل هذه السنوات.

هذا وقالت إيمي طلعت زكريا خلال برنامج فيس أوف: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

وتابعت: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

وأضافت: "ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني".

إيمي طلعت زكريا تتحدث عن والدها
واستكملت: "للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه".

واختتمت إيمي طلعت زكريا حديثها قائلة: محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة، ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم".