هالة صدقي: مفيش جعفر العمدة 2 السنادي.. وصفصف عملتلي قاعدة مع أجيال متعرفنيش

تحدثت الفنانة هالة صدقي عن تفاصيل الجزء الثاني من مسلسل جعفر العمدة، خلال لقاء لها ببرنامج عرب وود.

تحيا مصر يرصد تفاصيل تصريحات هالة صدقي عن جعفر العمدة

وقالت هالة صدقي: صفصف عملتلي قاعدة مع أجيال ممكن مكنوش يعرفوني اصلا، زي الأطفال والشباب الصغيرين، وبحاول بقدر الإمكان أن أنا أقدم حاجة تعجبهم، يمكن تبقى أحسن من صفصف، ويمكن لا، فيه جزء تاني بس مش السنادي، السنة اللي جاية، لازم يتحضر كويس عشان يبقى اد مستوى الجزء الأولاني.

هالة صدقي: فكرت في الاعتزال قبل جعفر العمدة

وسبق وأن تحدثت الفنانة هالة صدقي عن سبب بعدها عن السينما موضحة أن المخرجين هما السبب في ذلك، كما تحدثت عن نجاح مسلس جعفر العمدة.

وقالت هالة صدقي خلال استضافتها في برنامج ضيفي الذي يقدمه الإعلامي معتز الدمرداش: كنت سباحة وكل الأدوار اللي جيالي مايوهات والمخرجين بيستسهلوا، والمايوه كان  بالنسبة ليا زي البنطلون لابساه وبتمرن بيه ليل نهار، ولقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص.

وتابعت: كنت بفكر اعتزل الفن قبل جعفر العمدة لأن في تجارب مريت بيها وحسيت أن الحكاية باظت ومش اللي انا متربية عليه والورق اللي بيتكتب في اللوكيشن والبطل اللي ممكن يلغي المؤلف وبيغير المخرجين وكنت بلاقي لو معايا بطلة تاني ممكن المخرج يجاملها ومفيش حد بيشتغل لمصلحة العمل بيشتغلوا لمصلحة أشخاص.

هالة صدقي في مسلسل سره الباتع

وكان قد عرض مسلسل سره الباتع ضمن السباق الرمضاني المنقضي، وحقق المسلسل نجاحًا كبيرًا، وكان يضم مجموعة كبيرة من نجوم الفن ومنهم: نجلاء بدر، عمرو عبد الجليل، أحمد فهمي، ريم مصطفى، حنان مطاوع، أحمد السعدني، حسين فهمي، صلاح عبدالله،  هالة صدقى، أحمد عبد العزيز، أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان،صبري عبد المنعم، عمر زهران خالد طلعت، شريف حلمي، محمود عزت، عفاف مصطفي، هايدي سليم، شمس الكويتية،  مصطفي درويش، علاء حسني، ناهد رشدي، أيمن عزب، أيمن الشيوي، مفيد عاشور، مجدي فكري، محمد الصاوي، ميسرة، ومسلسل سره الباتع من إخراج خالد يوسف.