محمود عبد المغني: كنت بزوغ من المدرسة.. واشتغلت من صغري عشان أصرف على البيت

تحدث الفنان محمود عبد المغني عن فترة طفولته في حي الوراق، وذلك خلال لقاء له ببرنامج واحد من الناس مع عمرو الليثي.

تحيا مصر يرصد تفاصيل تصريحات محمود عبد المغني في واحد من الناس

محمود عبد المغني: كنت بزوغ من المدرسة وسقطت في سنة ستة

وقال محمود عبد المغني: النيل والكورة، وصحابي والاستغماية، وزينة رمضان، وحلمي أني أخش معهد التمثيل، وكل صحابي وجيراني كانوا عارفين أني هدخل المعهد، وكانوا مستنين أخشه، والوراق هي جزء مني.

وتابع: والمدرسة اللي كنت بروحها علاقتي بيها كويسة جدا، أنا خدت ابتدائي وإعدادي في الوراق، وبعدين كنت في الجيزة الثانوية بنين في الدقي، ومكنتش بعرف أقرأ ولا أكتب لحد سنة خامسة، وكنت بزوغ من المدرسة واروح ألعب، ومدي الدنيا طناش لغاية ما أبويا اتوفى، وسقطت في سنة ستة.

واضاف: والدي مشوفتوش، أخويا الكبير اللي عاش معاه، أنا عيشت مع أمي أكتر، أبويا مات وأنا عندي ٨ سنين، وفاكره طشاش، واشتغلت في ورشة طوب عشان اصرف على البيت بعد وفاة أبويا، واشتغلت في البلاط سنين، وكنت باخد ٢٥ جنيه في اليوم.

تصريحات محمود عبد المغني

ومن جانب آخر، كان الفنان محمود عبد المغني قد حل ضيفًا على  برنامج gossips، المذاع على السوشيال ميديا والذي كشف خلاله عدد من التصريحات عن حياته الشخصية والعملية، حيث كشف: مفيش واحد مكنش معجب بواحدة في ثانوي وإعدادي وانا كنت بتصد وبتقولي انت مبتفهمش واضح انها مكنتش فاضية او مخنوقة من الحر.

وتابع: اتعلمت من والدتي ازاي اتعامل مع ولادي واللي عملته ليا عملته مع ولادي، حب الأسرة والانتماء لبعضينا والأكل والضحك والاسرار مع بعض فإمي مدرسة كبيرة.

وكشف محمود عبد المغني: سيبت الدراسة لأني كان عندي احساس بالمسؤولية وعايز اساعد أمي واخواتي لكن الظروف دلوقتي مختلفة.

رسالة محمود عبد المغني لـ محمد رجب

وفي وقت سابق، حرص الفنان محمود عبد المغني على توجيه رسالة خاصة إلى الفنان محمد رجب، وخصوصا بعد تعاونهما في مسلسل "الونش"، وذلك من خلال منشور له عبر حسابه الشخصي على موقع تبادل الصور والفيديوهات إنستجرام.

حيث نشر عبد المغني صورة له رفقة محمد رجب، وعلق عليها قائلًا: "حبيبي يا ونش الناس مبهدلاني في الشارع بسببك، محمد رجب قمة الأخلاق والتواضع"، وقد حاز المنشور على إعجاب عدد كبير من الجمهور والمتابعين.