تامر حسني يدعم فنان شاب: هنعمل شغل مع بعض ومتيأسش

حرص الفنان تامر حسني على دعم الفنان الشاب رامي نادر بعدما أعرب عن إحباطه من خلال تعليق أحد الأشخاص عنه قائلا: “ازاي انت كومبارس وبتدي ورش تمثيل”، ليقرر تامر حسني مساندته.

تحيا مصر يرصد في ذلك التقرير تصريحات تامر حسني لـ رامي نادر

تامر حسني لـ فنان شاب: انت انسان محترم وراقي وربنا هيفرحك قريب

وكتب تمر حسني عبر حسابها الرسمي بموقع تبادل الصور والفيديوهات انستجرام: استاذ رامي انت فنان محترم و ردك حقيقي راقي رغم تعرضك لكلام محبط انت مردتش الاساءه بالاساءة و ده ليه اعتبار كبير اوي فوق ما تتصور عند ربنا قبل البشر و ممكن تكون جواك زعلت بس اكيد التعليق اللي زعلك ده ممكن يكون سبب في حاجه تفرحك قريب و هتشوف كلامي.

وتابع حديثه، قائلا: انا شخصياً مكنتش عارف انك بتمرن تمثيل و عرفت من البوست ده و هبعتلك شباب يتمرنوا عندك و اتمنى اقابلك و اتعرف عليك و نفتح باب شغل مع بعض …. و اتمنى من الشاب اللي كتبلك كده انه يراجع نفسه و ميحاولش يحبط حد تاني لان الكلمه المحبطه فعلاً ممكن تموّت بجد و يكون تأثيرها اكبر من السلبي.

تامر حسني:  يا شباب خلونا رحيمين على بعض عشان ربنا يرحمنا

واختتمت: التعليق السلبي اللي اي حد بيكتبه بمنتهى البساطه و هو في بيته بيضحك، ممكن يكون سبب في قتل حد نفسياً او يكون سبب في تدمير اسره او سبب في جرح روح كانت فرحانه و متفائله و بسببك كل ده اتهد…. ربنا يوفقك يا فنان يا محترم، و يا شباب خلونا رحيمين على بعض عشان ربنا يرحمنا عشان كل ما بقيت رحيم في كلامك هتلاقي ربنا بيسخرلك في عز زعلك و احباطك ناس تفرح قلبك بالكلام الرحيم اللي يقويك على الدنيا.

تامر حسني ومصير ألبومه 

ويذكر، أن تامر حسني كشف عن مصير ألبومه الجديد، والذي تسائل الجمهور عنه منذ قليل، فقال: صباح الفل على أجمل ناس لكل الحلوين اللي بيسألوا على باقي الألبوم أنا قسمت الألبوم السنة دي على السنة كلها يعني في أغاني نزلت في وقت معين وأغاني هتنزل في أوقات تانية عشان نفضل مع بعض طول السنة إن شاء الله.