خالد يوسف: عمري ما شوفت زينة بتعمل مشاكل.. وأتمنى أشتغل مع يحيى الفخراني

أشاد المخرج خالد يوسف بالفنانة زينة، نافيًا ما يتردد حول اختلاقها للمشاكل داخل مواقع التصوير، وذلك خلال لقاء له ببرنامج عرب وود، المذاع عبر شاشة تلفزيون قناة روتانا سينما.

تحيا مصر يرصد تفاصيل تصريحات خالد يوسف في عرب وود

تصريحات خالد يوسف في عرب وود

وقال خالد يوسف: زينة أنا بشوفها ممثلة مهمة جدًا، وما يقال عن في مشاكل بتحصل أنا مش بشوفها كدا خالص بصراحة شديدة، ولما اشتغلت معاها في كارما مفيش ربع مشكلة عملتها لا مع الاستاف ولا في المناخ العام، وهي مجتهدة جدًا، ومكرسة وقتها للعمل، مركزة ومفيش حاجة من اللي بيتقال عنها.

خالد يوسف: أتمنى أشتغل مع يحيى الفخراني

وفي اللقاء ذاته، كشف خالد يوسف أنه يتمنى التعاون مع النجم يحيى الفخراني في عمل فني، فقال: لو في ممثل واحد على أرض مصر أتمنى أشتغل معاه هيبقى يحيى الفخراني لأن دا الموهبة الكبيرة اللي اعتقد أنه يتحط في مصاف الكبار، زي نجيب الريحاني، ومحمود المليجي، وهو واحد من الكبار الخمسة في تاريخ السينما والفن المصري.

خالد يوسف ومخرجي مصر

وسبق وأن أوضح المخرج خالد يوسف حقيقة تحديه لمخرجي مصر، بسبب مشاهد المجاميع التي نفذها في مسلسل سره الباتع، وذلك خلال لقائه اليوم ببرنامج أسرار النجوم مع الإعلامية إنجي علي عبر محطة راديو نجوم إف إم.

وقال خالد يوسف: أنا متحدتش مخرجين مصر، ولكن قولت مخرجين مصر يقولولي القفزة اللي أنا عملتها في سره الباتع موجودة ولا لا، أنا عليت المستوى ولا نزلت بيه؟.. وأعظم فيلم تاريخي كان الناصر صلاح الدين وأنا متجاوزتوش.

وتابع: ولكن في الدراما التليفزيونية والسينمائية التاريخية أنا متجاوز اللي حصل كله في تاريخ السينما وعامل شكل جديد بالتكنيك والتصوير، وإزاي تعملي 2000 مجاميع وكأنك راسمة لوحة، ولما قولت أتحدى مخرجين مصر لأنهم بيفهموا وينظروا ويقولوا أنت عملت تطور محصلش من قبل في الأفلام التاريخية.. وأنا عمري ما قولت كلام فيه أي تعالي على الناس، ولكن أنا مش عامل مسلسل متواضع.