هادي الباجوري عن انتقادات تقديم باسم سمره شخصية الظابط بسفاح الجيزة: بحب اطلع خارج المألوف

رد المخرج هادى الباجورى على انتقادات تقديم الفنان باسم سمرة شخصية ظابط في مسلسل سفاح الجيزة بطولة أحمد فهمب وذلك في برنامج "تفاعلكم" مع الإعلامية سارة دندراوي عبر قناة العربية.

تحيا مصر يرصد رد هادي الباجوري على انتقادات تقديم باسم سمره شخصية الظابط. 

رد هادي الباجوري على انتقادات تقديم باسم سمره شخصية الظابط

وقال الباجوري:" الجمهور بيحب يتفرج على الحاجة اللي إتعود عليها، ولما تديله حاجة جديدة بياخد وقت علشان يتقبلها".

وتابع :"ليه باسم مايبقاش ضابط، هل مشكلتهم إنه دايما كان بيعمل دور بلطجي ،والضابط في مصر من كل أنحاء الجمهورية، وممكن يتكلم بلهجة فلاحي".

تصريحات هادي الباجوري 

وأضاف: "إحنا مشكلتنا إننا في مسلسلات زي الاختيار تلاقي الضابط سواء أمير كرارة أو عمرو يوسف له شكل معين، وأنا بحب أطلع خارج المألوف، ومش لازم أدي المتفرج اللى متوقعه".

وعن داليا شوقي قال: إحنا الجمهور عندنا بقى ماسك كرباج، داليا لما ظهرت في أول 3 و 4 حلقات الناس كانوا طايرين بيها وشايلينها فوق دماغهم، ولما عملت مشهد واحد حسوا إنه مبالغ فيه شوية مسكوا لها كرباج وسكاكين".

وتابع: "لو واحدة اكتشفت إن زوجها من 4 سنين سفاح وخاطف أختها وبيحب أختها رد فعلها ممكن يكون أي حاجة مش شرط هادي، لكن السوشيال ميديا بقت كرابيج وسكاكين وقاعدين للناس على الواحدة، وكل واحد بيقول رأيه بشكل عنيف".

وأضاف: "حتى لو كان أداء داليا مبالغ فيه شوية أنا المسؤول، وكنت مقتنع بأدائها وشايفها ممثلة شاطرة".

هادي الباجوري في تفاعلكم

وكشف: إحنا لسه مش محددين في جزء ثاني أو ثالث ودي حاجة ليها علاقة بشركة الإنتاج أكتر مني، لأن ممكن يكون في جزء ثاني ومكنش أنا المخرج بتاعه مش لازم كل الأجزاء أكون أنا المخرج بتاعها، ولكن شركة الإنتاج هي اللي بتحدد، واللي أنا عارفه أن في خطة يكون في جزء ثاني.

وتابع: أنا دايمًا لما بحب أعمل حاجة يكون عندي تحدي بعمله، والجزء اللي الناس شافته أنا كمخرج معملتش النوعية جي قبل كده، والجزء الثاني لو اتعرض عليا لو ملقتش فيه الحاجة اللي تخليني أعمل حاجة جديدة ممكن أعتذر.

واستطرد: أنا مبتأثرش أوي بآراء السوشيال ميديا سواء كانت بالمدح أو لأ ومش بتابعها أوي، وأنا بقيم العمل من وجهة نظري أنا مبسوط منه ولا لأ أو فيه عيوب وببقى عارف من الأول أن ده اللي أنا راضي بيه، ومفيش عمل مفيش فيه آراء مختلفة ومقدرش أسأل الناس إنتوا كنتوا عايزينه ينتهي إزاي، ودي حاجة موجودة طول الوقت وفكرة أن يكون في آراء مختلفة دي حاجة صحية للعمل، ومستحيل نرضي كل الناس.

وأردف: ممكن الجزء الأول من الحلقات علشان كان في قتل ودبح ودم، الناس شافوه مختلف عن الجزء الثاني من الحلقات وده اللي إحنا قصدناه ومحدش كان متوقع اللي حصل في الحلقات.